سێ شه‌ممه‌ 26 ئازار 2024

30 میلیۆن هاوڵاتیی ئێرانی لە ژێر هێڵی هەژاریدان

بە پێ وتەی قائیم مەقامی وەزیری ئاسایش و كاروباری كۆمەڵایەتیی 12 میلیۆن خەڵكی هەژار لە ئێران بوونی هەیە، ئەمەش لەحاڵێكدایە كە ئابوورییناسێ لەمبارەوە دەڵێ: 40% لە خەڵكی ئێران لە ژێر هێڵی هەژاریدان. ئەم ئامارە تا پێش لە ساڵی 84ی هەتاویی لە ژێر 30% بوو.

“ئەبولقاسم فیروز ئابادی” قائیم مەقامی وەزیری ئاسایش وتی: هیچ پیلانێك بۆ هەژاری لە ئێراندا نیە بەڵام 12 میلیۆن كەس پێویستیان بە یارمەتییە. فیروز ئابادی هیچ پێناسەیەكی لە هەژاری و رۆڵی هەژاری باس نەكردووە، بەڵام “حسێن راغفەر” ئابوورییناس لە دژكردەوە بە وتەكانی ناوبراو رایگەیاند: هیچ بەرنامەیەكی تایبەت لە لایەن دەوڵەتەوە بۆ بنەبڕكردنی هەژاری بوونی نیە.

ئەو كارناسە، هێڵی هەژاریی بۆ بنەماڵەیەكی 5 كەسی لە تاران دوو میلیۆن و 700 هەزار تمەن دیاریی كردووە و دەشڵێ: هێڵی هەژاریی لە پارێزگایەكەوە بۆ پارێزگایەكی دیكە دەگۆڕدرێت و سەرسوڕهێنەرە.

راغفەر لە وتووێژ لەگەڵ رۆژنامەی شەرق باسی لەوە كردووە، كە رەوتی پێوەرەكان بۆ باشتر كردنی دۆخی ئابووریی ئێران دیار نیە و ئەگەر دەوڵەت بۆ ئەو هەژارانەی كە رێژەیان 40% دەبێت بەرنامەیەكی نەبێ، ئامارەكە زۆرتریش دەبێت.

راغفەر كە رۆژنامەی شەرق بە “داڕێژەری نەقشەی هەژاریی ئێران” ناولێبردووە، بەشی شاری تاران لە بەراوەرد لەگەڵ باقی پارێزگاكانی دیكە لە بواری هەژارییەوە 30% راگەیاندووە.

شایانی باسە، كێشەی هەژاریی و دەسكورتیی لە ئێران بە ئاستێكی زۆر زەختی خستووەتە سەر ژیانی هاوڵاتییان و لە هەمان كاتدا بووەتە هۆی سەرهەڵدانی جۆرەها لادان و كێشەی كۆمەلایەتی مەترسیدار بۆ گیان و ژیانی هاوڵاتییان.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.