هه‌ینی 30 تشرینی یه‌كه‌م 2020
ماڵەوە / کوردستان / هاوڵاتییەكی كورد بە هۆی تەقینەوەی مین گیانی لەدەستدا

هاوڵاتییەكی كورد بە هۆی تەقینەوەی مین گیانی لەدەستدا

بەهۆی تەقینەوەی مین لە ناوچەیەكی سەر بە شاری پاوە لە پارێزگای كرماشان پیاوێكی تەمەن 53 ساڵ گیانی لەدەست داوە.

هەواڵنێریی حكومەتیی مێهر لەزاری “مستەفا عەینی”فەرمانداری “نەوسوود”ەوە بڵاوی كردووەتەوە، كە شەوی رابردوو لە چوار كیلۆمەتریی شارۆچكەی نەوسوود و لە نزیك گوندی “دزاوەر” بەهۆی تەقینەوەی مین، كەسێك بەناوی “عەزیز گولستانی” تەمەن 53 ساڵ و خەڵكی گوندی “نەروی” گیانی لەدەست داوە.

لە ماوەی دوو مانگی رابردوودا لە پارێزگای ئیلام و شاری قەسری شیرینی سەر بە پارێزگای كرماشان بەهۆی چەند تەقینەوەیەكی مین كە هی سەردەمی شەڕی ئێران و عێراق بووە، چەند هاووڵاتییەك كە منداڵیشیان تێدا بوو گیانیان لەدەست دا و بریندار بوون.

وێڕای ئەوەیكە نزیكەی 3  دەیە بەسەر كۆتایی هاتنی شەڕی ئێران و عێراقدا تێپەڕ دەبێ، بەڵام ئێران هەتا ئێستە ئامادە نەبووە ببێتە ئەندامی پەیماننامەی “ئۆتاوا”، لە حاڵێكدا دەبێ هەموو وڵاتێك دوای 10 ساڵ لە كۆتایی هاتنی شەڕ كێڵگە مینڕێژ كراوەكان لە مین پاك بكەنەوە.

بەشێكی زۆر لە 16 ملیۆن مینی چێندراو لە ئێران لە چوار پاریزگای رۆژهەڵاتی كوردستان دایە و ساڵانە بە دەیان هاووڵاتیی كورد بەهۆی تەقینەوەی كوژراو و بریندار دەبن.

بابەتی هاوپۆل

کیهان شیرینی، شهروند اهل سنندج با تودیع قرار وثیقه آزاد شد

کیهان شیرینی، از اهالی شهرستان سنندج با تودیع قرار وثیقه از بازداشتگاه اداره اطلاعات این …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.