دوو شه‌ممه‌ 16 ته‌مموز 2018
ماڵەوە / کوردستان / باری تەندروستیی چالاكێكی كرێكاریی بەندكراو ناجێگیرە

باری تەندروستیی چالاكێكی كرێكاریی بەندكراو ناجێگیرە

دۆخی تەندروستیی چالاكێكی كرێكاریی بەندكراوی كورد لە زیندانەكانی كۆماری ئیسلامی ناجێگیرە.

بە پێی هەواڵی گەیشتوو بە “زاگرۆس پۆست”، شەوی رابردوو ئیدارەی ئیتلاعاتی شاری سنە لەگەڵ بنەماڵەی “مەحمود ساڵەحی” پەیوەندییان گرتووە و پێیان راگەیاندوون كە دۆخی ناوبراو ناجێگیرە و ماوەی 4 رۆژە لە نەخۆشخانە دیالیزی بۆ كراوە.

لەو پەیوەندییە تەلەفۆنیەدا ئیدارەی ئیتلاعات داوایان لە بنەماڵەی مەحمود ساڵەحی كردووە كە بە خێرایی سەنەدێك و چەكێكی كارمەندیی بۆ ئازادكردنیی كاتیی ناوبراو بە بارمتە رادەستی ئەو ناوەندە ئەمنیەتییەی كۆماری ئیسلامی لە شاری سنە بكەن.

جێگای وەبیرهێنانەوەیە، لە سەروبەندی یەكی مانگی ئەیار بە دەیان چالاكی كرێكاریی كورد و ئێرانی لە لایەن دام و دەزگا ئەمنیەتی و قەزاییەكانی كۆماری ئیسلامیەوە دەستگیر كران و تا ئێستا ژمارەیەكیان لەوانە “مەحمود ساڵەحی” هێشتاكە ئازاد نەكراون.

بابەتی هاوپۆل

بانگهێشتی سێ هاوڵاتی کورد بۆ ئیلاعاتی شاری سنە

سێ هاوڵاتی خەڵکی شاری سنە بانگهێشتی ئیدارەی ئیتلاعاتی ئەو شارە کران و لێپرسینەوەیان لێکرا.