هه‌ینی 15 كانونی یه‌كه‌م 2017
ماڵەوە / ئێران / فەرماندەیەكی باڵای دیكەی سپای پاسدارانی ئێران لە عێراق كوژرا

فەرماندەیەكی باڵای دیكەی سپای پاسدارانی ئێران لە عێراق كوژرا

“جاسم نووری” یەكێك لە فەرماندە باڵاكانی سپای پاسداران لە شاری “رومادی” لە پارێزگای “ئەنبار” كوژرا.

بە پێی هەواڵەكان لەمبارەوە، جاسم نووری كە وەكوو یەكێك لە فەرماندەكانی شەڕی 8 ساڵەی نێوان عێراق و ئێران ناوی لێ براوە، لە رومادی كوژراوە بەڵام كات و چۆنیەتی كوژرانی ناوبراو ئاشكرا نەكراوە.

ئەمەش لەحاڵێكدایە، كە لە ماوەی رۆژانی رابربردوو راگەیاندنەكانی نزیك لە سپای پاسداران ئاشكرایان كرد، كە ئەفسەرێكی سپای پاسداران بە ناوی “عەلی ئەسغەر شێردڵ” و 2 برای پاكستانی بە ناوەكانی “ساجد حسێن” و “ئەخلاق حسێن” لە تیپی “زەینەبیون” لە شەڕ و تێكهەڵچوونەكانی حەڵەب لە باكووری سوریە كوژران.

دەبێ بوترێ، لە ماوەی دەسپێكی شەڕ و ئاڵۆزییەكان لە عێراق و سوریە، بە دەیان كەس لە چەكدارەكانی سەر بە سپای پاسدارانی ئێران كە هەندێكیان خەڵكی پاكستان و ئەفغانستان بوون كوژراون كە هەندێكیان فەرماندەی پلە بەرز بوون.

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …