سەدان ئەفسەری پۆلیس لە توركیە لە پۆستەكانیان وەلانران

راگەیاندنە ناوخۆییەكانی توركیە لە راپۆرتێكی خۆیاندا ئاماژەیان بەوەدا، سەدان ئەفسەری پۆلیس لە پۆستەكانیان وەلانران یان گوازرانەوە بۆ ئیدارەی هاتووچۆی ئەو وڵاتە.

بە پێی ئەم هەواڵە، ئەو 350 ئەفسەرەی لە ئانكەرەی پێتەختی ئەو وڵاتە وەلانران، لە بەشەكانی تاوانە ئابووریەكان، خەبات دژی تیرۆریزم‌و خەبات دژی قاچاخ كاریان دەكرد.
لە ماوەی یەك مانگی رابردوو سەدان فەرماندە‌و ئەفسەری پۆلیسی توركیە لە پەیوەندیی لەگەڵ گەندەڵی ماڵی لەسەر كارەكانیان دەركران.

لەم دۆسیەدا زیاتر لە 20 كەس لەوانە بازرگانێكی ئێرانی كە بەڕێوەبەری ئیجرایی بانكی دەوڵەتیی هالك بانك‌و منداڵانی دوو وەزیری دەسبەسەركران‌و هاوكات سێ وەزیری دەستیان لەكار كێشایەوە.