7 كەس لە ئێران ئێعدام كران و 8 كەسی دیكەش رەوانەی ژووری تاكەكەسی كران

لە ماوەی 2 رۆژی رابردوودا و لە زیندانەكانی قزڵ حساری كەرەج و زیندانی ئەردەبێڵ لانیكەم 7 كەس لەسێدارە دران و 8 كەسی دیكەش رەوانەی ژووری تاكەكەسی كران.

بە پێی راپۆرتی ماڵپەڕی هرانا، ئەمڕۆ یەكشەممە 3ی مانگی جۆزەردان لانیكەم 6 كەس لە زیندانی قزڵ حساری كەرەج بە بە تاوانی قاچاخی مادەهۆشبەرەكان لەسێدارە دران.

هەندێ لە سەرچاوەكان رێژەی ئێعدام كراوەكانیان 11 كەس و ناوی 2 كەسیان “مەسعود زیبایی” و “عەباس حەیدەری” راگەیاندووە.

هەروەها لە لایەكی دیكەوە رۆژی رابردوو لە زیندانی ئەردەبێل كەسێك بە هەمان تاوان لەسێدارە درا.

لە لایەكی دیكەوە هەر ئەو سەرچاوەیە باس لەوە دەكات كە لە 8 كەسی دیكە لە زیندانی قزڵ حسار بە مەبەستی لەسێدارەدان رەوانەی ژووری تاكەكەسی كراون و ناوی 3 كەسیان “ئێحسان سوقفی، بەلوچ زێهی و نادر حاجی زادە” راگەیەندراوە.

جێگای وەبیرهێنانەوەیە، لە ماوەی 2 مانگی رابردوو بە ئاستێكی زۆر رێژەی ئێعدامی هاوڵاتییان لە زیندانیە جیاجیاكانی ئێران پەرەی سەندووە و بە پێی ئامارە كۆكراوەكانی “زاگرۆس پۆست”، زیاتر لە 150 كەس لەم ماوەیەدا لە ئێران ئێعدام كراون.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.