ماڵەوە / ئێران / منداڵانی كارو مەترسی ئایدز لە ئێران

منداڵانی كارو مەترسی ئایدز لە ئێران

سەرۆكی ناوەندی توێژینەوەی ئایدز لە ئێران، رێژەی منداڵانی كاری تووشبوو بە نەخۆشی هێپاتیت‌و ئایدزی مەترسیدار راگەیاندوو هاوكات مینو موحرەز ئاماژەی بەوەدا، ئەوەیكە وەزارەتی بێهداشت لە تووشبوون بە ئایدز لە ئاستی وڵات رایدەگەیەنێت، لەگەڵ ئەوەیكە ئێمە دەیبینین جیاوازیی هەیە.

دكتۆر مینو موحرەز سەرۆكی ناوەندی توێژینەوەی ئایدز لە ئێران لە وتووێژێكدا رایگەیاند، دەستیانداوەتە لێكۆڵینەوە لە بابەت ئەو منداڵانەی كە بە ناوی منداڵانی كارو سەرشەقام ناسراون.
توێژینەوەكانی سەر منداڵانی 10 تا 18 ساڵ نیشانیداوە كە 5 لەسەدیان تووشی ڤایرۆسی ئایدز بوون‌و زۆربەشیان نەخۆشی هێپاتیت بەرۆكی گرتوون.

كۆمەڵێك لە توێژەران ئاماژەیان بە سێ ئەوندەبوونی گواستنەوەی نەخۆشی ئایدز لە رێگەی پەیوەندی جینسی كردووە كە لە ساڵی 1380 بەملاوە پەرەسەندی ئەو نەخۆشیە لە نێو منداڵانی كارو سەرشەقام بە رێّژەیەكی بەرچاو زیادی كردووە.

جێگری وەزیری بێهداشتی ئێران بە بۆنەی رۆژی جیهانیی ئایدز باسی لەوەكرد، ئاماری تووشبوون لە نەخۆشی ئایدز لە جیهان لە ساڵی 2000 تا ئێستا دوو ئەوندە نەبووە، لە حاڵێكدایە لە ئێران ئەم رێّژە لەم ماوەدا 9 ئەوندە بووە.

بابەتی هاوپۆل

لاوێکی بەندکراوی مەھابادی لە ژێر ئەشکەنجە گیانی لەدەستدا

لاوێکی کوردی خەڵکی شاری مەھاباد، لە ژێر ئەشکەنجەی ھێزەکانی رژیم گیانی لەدەستدا. دانیال زەینۆلعابدینی لاوێکی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.