هه‌ینی 30 تشرینی یه‌كه‌م 2020
ماڵەوە / ئێران / 10 كەس لە ئێران ئێعدام كران و 8 كەسیش لە ژووری تاكەكەسیدان

10 كەس لە ئێران ئێعدام كران و 8 كەسیش لە ژووری تاكەكەسیدان

سەر لەبەیانی رۆژی رابردوو 10 كەس لە زیندانەكانی ئێران ئێعدام كران و 8 كەسی دیكەش رەوانەی ژووری تاكەكەسی كران و بڕیار بوو سەرلەبەیانی ئەمڕۆ لەسێدارەیان بدەن.

بە پێی راپۆرتی هرانا، سەرلەبەیانی دوێنێ سێشەممە 29ی مانگی گوڵان 5 كەس لە زیندانی عادڵ ئابادی شیراز بە تاوانی ئەنجامدانی قەتڵ لەسێدارە دران كە تەمەنی یەكێك لە ئێعدام كراوەكان 18 ساڵ راگەیەندراوە.

هەرەوەها هەر لەو رۆژەدا كەسێكی دیكە لە شاری شیراز و لە پێش چاوی خەڵك تاوانی دەستدرێژیی سێكسی لەسێدارە درا.

لە لایەكی دیكەوە، 4 كەسی دیكە بە تاوانی قاچاخی مادەهۆشبەرەكان لە زیندانەكانی دلیجان و خومەینی سەر بە پارێزگای ئەراك ئێعدام كران.

هەر ئەم سەرچاوەیە ئاشكرای دەكات، كە 8 كەسی دیكەی رۆژی رابردوو كە تاوانی قەتڵیان لەسەر بووە بە مەبەستی جێبەجێ كردنی حوكمی ئێعدام رەوانەی ژوورە تاكەكەسیەكانی زیندانی رەجایی شاری كەرەج كراون.

جێگای وەبیرهێنانەوەیە، لە ماوەی 2 مانگی رابردوو بە ئاستێكی زۆر رێژەی ئێعدامی هاوڵاتییان لە زیندانیە جیاجیاكانی ئێران پەرەی سەندووە و بە پێی ئامارە كۆكراوەكانی “زاگرۆس پۆست”، لانیكەم 150 كەس لەم ماوەیەدا لە ئێران ئێعدام كراون.

بابەتی هاوپۆل

سیرووس عەباسی و فەریدە ویسی بانگھێشتی دادگای سنە کران

سیرووس عەباسی و فەریدە وەیسی دوو چالاکی مەدەنیی خەڵکی دێولان بانگهێشتی لقی ١ی دادگای ئینقلابی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.