چوار شه‌ممه‌ 12 كانونی یه‌كه‌م 2018
ماڵەوە / سیاسی / زیندانیەكی سیاسی كورد لە دۆخێكی نالەباردایە

زیندانیەكی سیاسی كورد لە دۆخێكی نالەباردایە

زیندانیەكی سیاسی كورد بەناوی “محەممەدئەمین عەبدوڵڵاهی” و خەڵكی شاری بۆكان كە ماوەی 10 ساڵە لە زیندانەكانی كۆماری ئیسلامی دایە و رۆژ لەگەڵ رۆژیش دۆخی بەرەو خراپ بوون دەڕوات.

بەپێی راپۆرتی هرانا، ئەو بەندكراوە سیاسییە ماوەی دوو ساڵە بۆ زیندانی شاری تەبەس لە پارێزگای خوراسانی باشوور راگوێزراوە و لەو ماوەیەدا نەیتوانیوە چاوی بە بنەماڵەكەی بكەوێت.

بنەماڵەی محەممەدئەمین عەبدوڵڵاهی باسیان لەوە كردووە، كە مەودای نیوان بۆكان و تەبەس زیاتر لە 1500 كیلۆمەترە و بەهۆی نەداری و دەسكورتی نەمانتوانیوە سەردانی بكەین.

لەلایەكی دیكەوە برایەكی دیكەی محەممەد ئەمین بە ناوی محەممەد حوكمی لە سێدارەدانی لە زیندانی ورمێ بۆ دەرچووە و بڕیارە بەم نزیكانە حوكمەكەی جێبەجێ بكرێت.

ماوەیەك لەمەوبەریش محەممەدئەمین عەبدوڵڵاهی لە زیندانی ناوەندی تەبەس بە نیشانی پێنەدانیمەرەخسی و كەڵك وەرگرتن لە ئازادی مەرجدار، مانی لە خواردن گرتبوو.

ئەو بەندكراوە سیاسییە پاش مانگرتنەكەی لەلایەن مەئموورانی ناو زیندانەوە بە “كەلەپچە و پابەند”وە بۆ ژووری تاكەكەسی راگوێزرابووو.

محەمەد ئەمین ماوەی 10 ساڵ لەمەوبەر دەستبەسەر و لەلایەن دادگای ئینقلابی مەهابادەوە بە تاوانی هاوكاری لەگەڵ حیزبە كوردییەكان و محاربە یان دژایەتی لەگەڵ خودا بە 18 ساڵ زیندان و دوورخرانەوە بۆ زیندانی تەبەس حوكم درا.

بابەتی هاوپۆل

سەپاندنی حوکمی شەش ساڵ زیندان بە سەر پارێزەرێکی کورد

پارێزەرێکی کوردی خەڵکی شاری سەقز لە لایەن دادگای شۆڕشی ڕژیم لە شاری تاران حوکمی ٦ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.