چوار شه‌ممه‌ 20 شوبات 2019
ماڵەوە / ئێران / بەكارهێنانی مادەی هۆشبەرە لە ئێران 3 هێندەی نرخی گەشەی حەشیمەتە

بەكارهێنانی مادەی هۆشبەرە لە ئێران 3 هێندەی نرخی گەشەی حەشیمەتە

بە پێی راپۆرتی دەفتەری بەرەنگاریی لەگەڵ تاوانەكانی مادەهۆشبەرەكانی رێكخراوی نەتەوەیەكگرتووەكان لەم دواییانەدا بڵاوی كردووەتەوە، ئێران زۆرترین گیرۆدەی مادەهۆشبەرەكانی لە ئاستی جیهاندا هەیە.

بەهۆی سانسۆڕی هەواڵ و نەبوونی زانیاریی شەفاف، بە پێی ئامارە نافەرمیەكان رێژەی تووشیارانی مادەهۆشبەرەكن لە ئێران لە نێوان 2 میلیۆن تا 4 میلیۆن دایە.

ئێستاكە ئاكامی توێژینەوەكان لە ماوەی 10 ساڵی رابردوو دەریخستووە كە لە ماوەی 20 ساڵی رابردوو نرخی زیادبوونی حەشیمەت و دانیشتووانی ئێران 2/63% بووە و هاوكات نرخی بەڕۆژی بەكارهێنانی مادەی هۆشبەر زیاتر لە 3 هێندەی نرخی زیادبوونی حەشیمەتی ئێران بووە.

هەروەها تەزریق كردنی مادەی هۆشبەر هەموو ساڵێ 33% زیاد دەكات و ئەمەش لەحاڵێكدایە كە لانیكەم 6 میلیۆن كەس لە بنەماڵە ئێرانیەكان بە شێوەی راستەوخۆ لەگەڵ كێشەی مادەهۆشبەرەكان دەست و پەنجە نەرم دەكەن.

لە لایەكی دیكەوە كێشە دەروونیەكان لە پارێزگای تاران لە ماوەی 10 ساڵدا 60% پەرەی سەندووە و كارناسان باس لە پەرەسەندنی هەیەجانە تێكەڵ بە توندوتیژیی و خەمكی  و هاوكات دابەزینی شادی دەكەن.

ئەم بابەتە باس لە پێویستیی سەرنجدانی جیددی بە تەندروستی دەروونی لە كۆمەڵگادا دەكات كە پەیوەندییەكی نزیكی لەگەڵ پەرەسەندنی جۆرەها كێشەی كۆمەڵایەتی هەیە.

بابەتی هاوپۆل

سادق لاریجانی: ئێمە لە ئێران زیندانی سیاسیمان نییە

سادق لاریجانی، سەرۆکی دەزگای دادوەریی ڕژیمی ئێران وێرای ڕەخنە لەو کەسانەی کە داوای ئازاد کردنی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.