چوار شه‌ممه‌ 20 شوبات 2019
ماڵەوە / کوردستان / مامۆستایانی ناڕازیی شاری سنە بۆ جاری چوارەم كۆبوونەوە

مامۆستایانی ناڕازیی شاری سنە بۆ جاری چوارەم كۆبوونەوە

دەیان كەس لە مامۆستایانی كوردستان لە شاری سنە دوانیوەڕۆی دوێنێ پێنجشەممە 24ی مانگی گوڵان لە ناڕەزایی بە حەقدەستی ناعادڵانە و هەڵاواردن لە پەروەردە و راهێنان، كۆبوونەوەیەكی بێدەنگییان بەڕێوەبرد.

بە پێی راپۆرتی هەواڵنێریی حكومەتیی ئیلنا، بۆ جاری چوارەم لە ماوەی رابردوودا مامۆستایانی كوردستان لە بەردەم بینای پارێزگای سنە كۆبوونهەوەیەكی بێدەنگییان لە ناڕەزایی بە حەقدەستی ناعادڵانە و هەڵاواردنەكانی ئیدارەی پەروەردە و راهێنان بەڕێوەبرد.

مامۆستایان رۆژی پێنجشەممە لە كۆبوونەوەكەی خۆیاندا رایانگەیاند: خواستەكانی ئێمە روون و ئاشكرایە بۆچی كەس ئاوڕ لە دۆخی نالەباری ژیان و گوزەرانمان ناداتەوە.

یەكێك لە مامۆستایانی بەشدار لەو كۆبوونەوەیە لە ئیلنای راگەیاندووە: ئیتر بە دەست بەڕێنە بێ بنەماكانی وەزارەتی پەروەردەوە ماندوو بووین و بەم بەڵێنانە كێشەكانی ئێمە چارەسەر نابێ.

یەكێكی دیكە لە مامۆستایان باسی لەوە كردووە كە ئێستاكە كێشەی وەزیر، تەنیا گەشەی قوتابخانە غەیرە ئینتفاعیەكانە، وتی: بە پێی ئەسڵی یاسای بنەڕەتی خوێندنی منداڵان دەبێ بە بێ وەرگرتنی پارە بێت بەڵام ئیدارەی پەروەردە ئێستاكە بە شێوەی چینایەتی بەڕێوە دەچێت.

مامۆستایان لەم كۆبوونەوەیەدا هیچ پلاكارد و بەنرێكیان هەڵنەواسیوە.

جێگای باسە، دواتر بەرپرسانی پارێزگاریی بە ئامادەبوون لە نێو ئەو كۆبوونەوە ناڕەزاییە، لەگەڵ مامۆستیان قسە و باسیان كرد.

بابەتی هاوپۆل

سادق لاریجانی: ئێمە لە ئێران زیندانی سیاسیمان نییە

سادق لاریجانی، سەرۆکی دەزگای دادوەریی ڕژیمی ئێران وێرای ڕەخنە لەو کەسانەی کە داوای ئازاد کردنی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.