زاگرۆس پۆست
رێكخراوی نەتەوەیەكگرتووەكان رۆژی چوارشەممە 11ی بەفرانبەر بە دەركردنی راپۆرتێك رایگەیاند، وڵاتی عێراق لە ماوەی ساڵی 2013 توندوتیژترین دەورەی پێنج ساڵی رابردووی خۆی تێپەڕاندووە كە تێیدا 8 هەزارو 900 كەس كوژراون.
هەیئەتی نێردراوی رێكخراوی نەتەوەیەكگرتووەكان بۆ بەغدا رایگەیاند، ساڵی 2013 حەوت هەزارو 818 شارۆمەند لە عێراق كوژراون كە بە ئەژماری هێزەئەمنیەتیەكانی عێراق ئەم رێژە دەگاتە 8 هەزارو 868 كەس.
نیكۆلای ملادنۆف نێردراوی رێكخراوی نەتەوەیەكگرتووەكان بۆ بەغدا نیگەرانی قووڵی خۆی لەمەڕ پەرەگرتنی ئاماری كوژراوەكان لە عێراق لە ماوەی ساڵی رابردوو دەربڕیی.
ناوبراو تەئكیدی كردەوە كاربەدەستانی عێراقی پێویستە بنەمای ئەم توندوتیژیانە بناسن‌و لە رێگەی هێوركردنەوەیدا هەنگاو بنێن.
