یه‌ك شه‌ممه‌ 24 ئازار 2019
ماڵەوە / ئێران / 15 كەس لە بەلوچستان بە دەستی هێزەكانی كۆماری ئیسلامی قوربانیی بوون

15 كەس لە بەلوچستان بە دەستی هێزەكانی كۆماری ئیسلامی قوربانیی بوون

لە سەرەتای ئەمساڵەوە تا ئێستا هێزەكانی كۆماری ئیسلامی لانیكەم 15 كەسیان بە تەقەی ڕاستەوخۆ لە پارێزگای سیستان‌و بەلوچستان كوشتوەو بریندار كردووە.

بەپێی ڕاپۆرتی كەمپەینی چالاكانی بەلوچ، لە سەرەتای ساڵی 1394ەوە تا كاتی ئامادە كرانی ئەم هەواڵە واتە لە ماوەی كەمتر لە 2 مانگدا 15 كەس لە خەڵكی بەلوچ، بە دەستی مەئموورە ئینتزامی‌و ئەمنیەتییەكانی سپای پاسدارانی كۆماری ئیسلامییەوە كوژراون، كە ناوەكانیان بریتییە لە: نەواز دێرازێهی كوڕی عەبدولكەریم، مەجید فوولادی، سارا بامری وێڕای كچە 3 ساڵانەكەی بە ناوی سەعدیە بامری، وەلی محەممەد بەلوچ، دینار سنگانی، سەلیم بەلوچ، شەبیر بەلوچ زێهی، بیلال زەردكووهی، عەبدولباسیت ئاسكانی و ئەحمەد عەبدولزێهی. ئەمانە ئەو كەسانەن كە لە سەرەتای ئەمساڵەوە تا ئێستا بوونەتە قوربانیی سەركوت‌و تەقە كردنی سەرەڕۆیانەی هێزە دەوڵەتییەكان‌و بە ناحەق گیانیان لێ ئەستێندراوە‌و بریندار بوون. لەنێو ئەم كوژراوو بریندارانەدا 4 ژن‌و منداڵێكیش دەبیندرێن.

ڕاگەیاندنی ئەو هەواڵە لە حالێك دایە كە ساڵی ڕابردووش هەر نەبێ 22 كەس لە خەڵكی مەدەنی‌و بێ تاوانی بەلوچ بە تەقی هێزە چەكدارەكانی ئێران كوژراون‌و بریندار بوون.

شایانی باسە زۆربەی ئەم كەسانە بە گومانی گواستنەوەی باری گازۆڵ‌و كەلوپەلی قاچاغ‌و بە تەقەی ڕاستەوخۆ‌و سەرەڕۆیانەی هێزە چەكدارەكانی ڕێژیم كوژراون یان بریندار كراون.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.