یه‌ك شه‌ممه‌ 24 ئازار 2019
ماڵەوە / سیاسی / لە بۆكان هەڕەشە لە خەڵك دەكرێت و دوو لاویش دەستگیر كران

لە بۆكان هەڕەشە لە خەڵك دەكرێت و دوو لاویش دەستگیر كران

لە شاری بۆكانی هێزە ئەمنیەتییەكان هەڕەشەیان لە خەڵك كردووە و پێیان وتوون ئەگەر بێتو ناڕەزایەتی بە مەرگی “فەریناز خوسرەوانی” دەرببڕن بەرەوڕووی سزا دەبنەوە.

بەپێی راپۆرتی باسنیوز، سەرلەبەیانی ئەمڕۆ دووشەممە 21ی مانگی گوڵان هێزە ئەمنیەتییەكان چوونەتە شوێنە گشتییەكانی وەكوو “ئیسكەندەرییە و فەلەكەی فەرمانداریی” و بە خەڵكیان وتووە نابێ خۆپیشاندان بكەن.

لەو بارەیەوە چەند كەسێك بەرەنگارییان بوونەتەوە و باسیان لەوە كردووە كە ئێمە پشتیوانی لە خەڵكی مەهاباد دەكەین و بە تەنیا بەجێیان ناهێڵین.

هێزەكانی كۆماری ئیسلامی دوو گەنجیان كە ناوی یەكێكیان “ئەحمەد نیازیی”ە دەستگیر كردووە و لەگەڵ خۆیان بردوویانن.

دەوترێت كۆماری ئیسلامی بۆ پێشگریی لە سەرهەڵدانی هەرچەشنە ناڕەزایەتییەك، هێزی تایبەتی لە شاری “سایین قەڵا”وە هێناوەتە شاری بۆكان.

جێگای باسە، پاش مەرگی “فەریناز خوسرەوانی” لە شاری مەهاباد و لە چەند شارێكی دیكەی كوردستان خۆپیشاندانی ناڕەزایی بەڕێوە چوو و بەوبۆنەوە ژمارەیەك لە هاوڵاتییانی كورد دەستگیر و ژمارەیەكی دیكەش بریندار بوون و دۆخی چەند كەس لە بریندارەكان نالەبار راگەیەندراوە.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.