پێنج شه‌ممه‌ 13 كانونی یه‌كه‌م 2018
ماڵەوە / سیاسی / راگەیەندراوێك بۆ مانگرتنی گشتیی لە كوردستان

راگەیەندراوێك بۆ مانگرتنی گشتیی لە كوردستان

ڕاگەیاندن بە بۆنەی مەرگی فەریناز و ڕووداوەکانی مەهاباد

جەماوەری خەڵکی کوردستان!
هاونیشتمانانی ڕۆژهەڵاتی!

هەروا کە ئاگادارن لە ڕێکەوتی ١٤ی گوڵان، فەریناز خوسرەوانی بەهۆی ئەوەی کەوتە بەر پەلاماری یەکێک لە کاربەدەستانی ڕژیمەوە، خۆی لە نهۆمی ٤ی هۆتێل “تارا”ی مەهابادەوە خستە خوارێ و کۆتایی بە ژیانی هێنا.
لەدوای ئەم کارەساتە، جەماوەری خرۆشاو و ڕاپەڕیوی مەهاباد دەستیان دایە خۆپیشاندنی بەرین و لە سەر شەقامەکان دژەکردەوەیان نواند. سەرکۆتی هێزەکانی ڕژیم بارودۆخەکەی ئالۆزتر کردوو شەپۆلی ئەم ڕاسانە، سەردەشت و شوێنەکانی دیکەی کوردستانیشی گرتەوە.

ئەگەرچی ئەمە یەکم کارەساتی لەو چەشنە نییە و نەتەوەکەمان گەلێک ئەزموونی تاڵی هاوشیوەی بینیوە، بەڵام بەرپرسایەتی و هەڵوێستی یەکگرتوو و هاودەنگیمان بەرامبەر بەم کردەوە، ئەرکێکی نیشتمانییە و هەوڵێکە بۆ بەرنگاری کردن لە دووپات بوونەوەی ئاوەها ڕووداوگەلێک.

لە ئێستادا کە فەزایەکی ئەمنییەتی زاڵە بەسەر شارەکاندا و مەجالی هیچ شێوە خۆپیشاندانێک بە خەڵک نادرێت، ئێمە کوردەکانی دانیشتووی ڕۆژهەڵات، بۆ پاراستنی کەرامەتی ژنی کورد و وەستانەوە بەرامبەر بەم کردەوە و بێ ئەخلاقییەی ڕژیم:
“ڕۆژی چوارشەممە ڕێکەوتی ٢٣ی گوڵان کە هاوکاتە لەگەڵ سالڕۆژی مانگرتنە سەرکەوتووەکەی ساڵی ٨٩ی هەتاوی لە ڕۆژهەڵات، بانگەوازێکی دیکە بۆ هاودەنگی دەکەین.”

“سەر لە بەیانی چوارشەممە بە داخستنی دوکان و بازارەکان، ناڕەزایەتی خۆمان بەو ڕووداوە دەردەبڕین و ئەمە دەکەین بە هەوڵێكی ڕەوا بۆ چەسپاندنی ئەمنیەتی ژنان‌ لە ڕۆژهەڵاتی كوردستان‌ و بەتایبەتی لەشوێنەكانی كاردا.”

بەشداری بەرینی ئێوە ئازیزان، سەلمێنەری زیندوویەتی کۆمەڵگا و ئەرکی خاوەندارییەتی لە ڕۆڵەکانمانە.

کۆمەڵێک لە بازاڕیانی شارەکانی ڕۆژهەڵاتی کوردستان
٢٠ی گوڵانی ٢٧١٥ی کوردی

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.