شه‌ممه‌ 15 كانونی یه‌كه‌م 2018
ماڵەوە / ئێران / 12 كەس لە ئێران ئێعدام كران

12 كەس لە ئێران ئێعدام كران

لە ماوەی رۆژانی رابردوو 10 كەس لە 2 وەجبەدا لە زیندانی ورمێ ئێعدام كراون.

بە پێی راپۆرتی هرانا، بەرەبەیان رۆژی پێنجشەممە 17ی مانگی گوڵان 6 كەس بە ناوەكانی “شاهین ساڵەحی، حاجی عەباسی، ئەحمەد شیری، لەتیف عەلیزادە، عەبدوڵعەزیز فولادی و حەسەن بینا” بە تۆمەتی قاچاخی مادەهۆشبەرەكان لەسێدارە دران.

هەروەها رۆژی شەممە 19ی مانگی گوڵان، 4 كەسی دیكە بە ناوەكانی “عادڵ بەخشعەلی زادە، بەهمەن ئیسماعیلی، قادر حەمیدی و عەلی تاجداری” بە تاوانی ئەنجامدانی قەتڵ لە زیندانی ورمێ لەسێدارە دران.

هەروەها زیندانیەك بە تۆمەتی ئەنجامدانی كردەوەی “تیرۆریستی” لە شاری حەمیدیە لە پارێزگای خوزستان لەسێدارە درا.

كەسێكی دیكەش رۆژی شەممە لە زیندانی لاكانی شاری رەشت بە هۆی ئەنجامدانی قەتڵ لەسێدارە درا.

شایانی باسە، لە ماوەی 2 مانگی رابردوو نزیكەی 150 كەس لە زیندانە جیاجیاكانی كۆماری ئیسلامی لە لایەن دام و دەزگا قەزایی و ئەمنیەتیەكانەوە ئێعدام كراون و ئەمەش لەحاڵێكدایە كە حەسەن رۆحانیی لە پڕوپاگەندەكانی پێش لە هەڵبژاردنی سەرۆك كۆماریی بە شێوەی بەردەوام بەڵێنی باشتركردنی دۆخی مافی مرۆڤ لە ئێرانی دەدا، بەڵام رۆژ لە دوای رۆژ ئەم پرسە روو لە خراپی دەڕوات.

بابەتی هاوپۆل

کوژراو و بریندار بوونی دوو کۆڵبەر لە بانە

دوو کۆڵبەری کورد خەڵکی شاری بانە بە هۆی تەقەی هێزە نیزامیەکانی ڕژیمی ئێران کوژراو و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.