پێنج شه‌ممه‌ 14 تشرینی دووه‌م 2019
ماڵەوە / کوردستان / مێرمنداڵێكی كورد بە هۆی سووتانەوە گیانی لەدەستدا

مێرمنداڵێكی كورد بە هۆی سووتانەوە گیانی لەدەستدا

گڕكێشانی چرایەكی نەوتی لە یەكێك لە ئاواییەكانی شاری سەردەشت لە رۆژهەڵاتی كوردستان بووە هۆی مەرگی مێرمنداڵێكی 12 ساڵ تەمەن.
بە پێی ئەم هەواڵە، دوانیوەڕۆی شەممەی رابردوو لە ماڵێك لە ئاوایی قروبس لە ناوچەی ئالانی سەردەشت، بڵاوبوونەوەی نەوتی چرایەكی گەرمایی بووە هۆی ئەوە ئاگر لەو ماڵە بەربدرێت‌و لە ئاكامدا ئەو مێرمنداڵە بووە قوربانیی. بە پێی وتەی شایەتحاڵەكان كاتی روودانی ئەم ئاگرە دایك‌و باوكی ئەو مێرمنداڵە لە ماڵەوە نەبوون‌و هەر بەم بۆنەوە كەسێكی ئەوتۆ نەبووە كە بتوانێت بە خێرایی بە هانای ئەو مێرمنداڵەوە بچێت.
ئەمە لە حاڵێكدایە كە پێشتریش لە ئاوایی كارێزەی شێخان سەر بە شاری مەهاباد بە هۆی بڵاوبوونەوەی نەوتی چرایەكی گەرمایی لە قوتابخانەی ئەو ئاواییە زەرەرێكی زۆری بە‌و قوتابخانەیە گەیاند، بەڵام ئەو ئاگركەوتنەوە رۆژی هەینی كە پشووی رەسمیە روویدابوو.
شایانی باسە، خەڵكی بەشێكی هەرە زۆری ئاواییەكانی كوردستان ناڕەزایەتیان بەرانبەر كەمترخەمی بەرپرسانی دەوڵەت دەربڕیوە‌و خوازیاری ئەوەن كە سیستەمێكی ئەمنی گەرماییان بۆ دابین بكرێت.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.