دوو شه‌ممه‌ 16 ته‌مموز 2018
ماڵەوە / کوردستان / چالاكێكی دیكەی كرێكاریی لە شاری سنە دەستگیر كرا

چالاكێكی دیكەی كرێكاریی لە شاری سنە دەستگیر كرا

لە درێژە گوشار و رەشبگیریی چالاكان و هەڵسووڕاوانی كرێكاریی چالاكێكی دیكەی كرێكاریی لە شاری سنە دەستگیر كرا.

بە پێی هەواڵی گەیشتوو بە “زاگرۆس پۆست”، ئەمڕۆ چوارشەممە 9ی مانگی گوڵان چالاكێكی دیكەی كرێكاریی بە ناوی “پێدرام نەسرۆڵڵاهی” لە لیەن هێزە لیباس شەخسیەكانی كۆماری ئیسلامی لە شاری سنە دەستگیر و راپێچی شوێنێكی نادیار كرا.

هەروەها دوێنێ سێشەممە 8ی مانگی گوڵان 2 چالاكی دیكەی كرێكاریی لە شارەكانی سەقز و مەهاباد بە ناوەكانی “مەحمود ساڵەحی و عوسمان ئیسماعیلی” لە لایەن هێزە ئیتلاعاتیەكانی كۆماری ئیسلامیەوە دەستگیر كران.

شایانی باسە، لە ماوەی چەند رۆژی رابردوودا ژمارەیەكی زۆر لە چالاكان و هەڵسووڕاوانی كرێكاریی لە شارە جیاجیاكانی كوردستان لە لایەن هێزە ئەمنیەتی و ئیتلاعاتیەكانی كۆماری ئیسلامیەوە بانگهێشت و دەستگیر كراون یان هەڵكوتراوەتە سەر ماڵەكانیان و خۆیان و بنەماڵەكانیان بەرەوڕووی بێ رێزیی بوونەتەوە و كەلوپەلە شەخسیەكانیان دەستی بەسەردا گیراوە و ئەمەش لەحاڵێكدایە ئێستاكە بیش از 13 چالاكی كرێكاریی كورد تەنیا لەبەر داواكاریی خواست و مافە پیشەییەكانی خۆیان، لە زیندانەكانی كۆماری ئیسلامیدا بەند كراون.

بابەتی هاوپۆل

بانگهێشتی سێ هاوڵاتی کورد بۆ ئیلاعاتی شاری سنە

سێ هاوڵاتی خەڵکی شاری سنە بانگهێشتی ئیدارەی ئیتلاعاتی ئەو شارە کران و لێپرسینەوەیان لێکرا.