هه‌ینی 19 ته‌مموز 2019
ماڵەوە / ئێران / نزیكەی 17 هەزار كەس لە ئێران بەهۆی رووداوی هاتوچۆ گیانیانلەدەستداوە

نزیكەی 17 هەزار كەس لە ئێران بەهۆی رووداوی هاتوچۆ گیانیانلەدەستداوە

بە پێی ئاماری پزیشكی یاسایی كۆماری ئیسلامی لە ساڵی 1393ی هەتاویی لە ئێران 16 هەزار و 872 كەس بە هۆی رووداوی هاتوچۆ گیانیان لەدستداوە كە لە بەراوەرد لەگەڵ ساڵێك پێشتر 6.2% دابەزینی هەبووە.

بە پێی راپۆرتی هەواڵنێریی حكومەتیی ئیسنا، لە ساڵی رابردوو زۆرترین ئامار دابەزینی قوربانیانی رووداوی هاتوچۆ تایبەت بە مانگەكانی خەرمانان و سەرماوەزە كە بە ریز 17.6 و 13.7% بووە و زۆرترین رێژەش تایبەت بە مانگی گەلاوێژە بە 4.1%ەوە.

هەروەها رۆژەكانی 7ی خەرمانان بە 83 كوژراو و 6ی خەرمانان بە 79 كوژراو لە ریزی ئەو رۆژانەن كە زۆرترین قوربانییان داوە.

64.9% لە كوژراوەكان تایبەت بە جادەكانی دەرەوەی شار، 27.2% تایبەت بە جادەكانی ناوشار، 7.4% جادە خاكیەكان و جادەی گوندەكان و شوێنی رووداوی هاتوچۆ 5%یش نادیارە.

بە پێی ئەم ئامارە پارێزگاكانی فارس بە هەزار و 459 كوژراو، تاران بە هەزار و 295 و خوراسان بە هەزار و 231 زۆرترین و ئیلام بە 155 و كەهكیلویە و بویرئەحمەد بە 184 كوژراو كەمترین رێژەی قوربانییان هەبووە.

ئەم لێكدانەوەیە دەریدەخات كە لە ساڵی رابردوو 79% لە كوژراوەكان بە هۆی رووداوی هاتوچۆ پیاو و 21%یش ژنان پێكی دەهێنن. لە كاتی هاتنە ئارای ئەم رووداوانە 39.8% لە قوربانیەكان شۆفیری ئۆتۆمبیلەكان، 22.3% خەڵكی پیادە و 36.3%یش مسافرەكان بوون.

لە بواری تەمەنیشەوە 8.5% تەمەنیان لە نێوان 10 ساڵ و كەمتر بووە، 5.2% 11 تا 17 ساڵ، 25.7% 18 تا 29 ساڵ، 29.6% 30 تا 49 ساڵ، 30.4% كوژراوەكانیش سەرەوەی 50 ساڵ بوون.

چۆنیەتی هاتنەئارای ئەو رووداوانەش 45.7% بە هۆی پێكدادانی 2 كەرەستەی هاتوچۆ، 23.7% بەهۆی وەرگەڕانی ئۆتۆمبیل و 22.2%یش بە هۆی خۆپێدادانی ئۆتۆمبیل كەسانی پیادە و شتومەكی دیكەوە بووە.

هۆكاری سەرەكی 54.2% لە كەسەكان زەربە بەركەوتنی سەر بووە، 22.5% شكانی بەشە جیاجیاكانی لەش بووە، 8.4% بە هۆی خوێنڕێژیی و 9.4%یش بە هۆكارگەلێكی هاوبەش و زیاتر لە یەك هۆكاری سەرەكی بووە. هەروەها شوێنی گیانلەدەستدانی 51.9% لە كەسەكان لە شوێنی رووداوەكە بووە، 7.7% لە كاتی گواستنەوە بۆ نەخۆشخانە و 38.9%یش لە نەخۆشخانە گیانیان لەدەستداوە.

بابەتی هاوپۆل

گیان له‌ده‌ستدانی كرێكارێك له‌ شاری بۆكان

کرێکارێکی خەڵکی شاری بۆکان لە کاتی کارکردندا تووشی ڕووداوی کار بوو و به‌هۆیه‌وه‌ گیانی له‌ده‌ست …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.