پێنج شه‌ممه‌ 21 ئازار 2019
ماڵەوە / سیاسی / سپای پاسدارانی ئێران هێزەكانی لە لوڕستانەوە رەوانەی مەریوان كردووە

سپای پاسدارانی ئێران هێزەكانی لە لوڕستانەوە رەوانەی مەریوان كردووە

نزیكەی 50 كەس لە ئەندامانی بەپێشینەی هێزەكانی سپای پاسدارانی كۆماری ئیسلامی ئێران لە ناوچە جیاجیاكانی لوڕستانەوە رەوانەی شاری مەریوان كراون.

بە پێی راپۆرتی ماف نیوز، لە ماوەی چەند رۆژی رابردوو كۆماری ئیسلامی لە ناوچە جیاجیاكانی رۆژهەڵاتی كوردستان سەرقاڵی نوێژەنكردنەوەی پایەگا كۆنەكانی خۆی بەتایبەت لە ناوچەی مەریواندایە و بەو بۆنەوە سەنگەر و خاكرێزێكی زۆر دروست كردووە.

هەروەها هەواڵەكان باس لەوە دەكەن، كە تیمێكی سپای پاسداران لە لوڕستانەوە لە ناوچەی “كانی خەیاران” سەر بە مەریوان جێگیر كراون.

كۆماری ئیسلامی ئێستاكە سەرقاڵی دروست كردنی بنكەگەلێكی سەربازیی نوێ لە ناوچە كوردستانیەكانی رۆژهەڵاتدایە و ئەو تیمە 50 كەسیەی كە لە لوڕستانەوە رەوانەی مەریوان كراون، بڕیارە تا 3 مانگی دیكە لەو ناوچەیە بمێننەوە.

لەحاڵێكدا هەڵوێست و سیاسەتەكانی كۆماری ئیسلامی، ئێرانی خستووەتە ژێر گوشاری قوری ئابڵۆقە نێو دەوڵەتیەكان و مەترسی ئەگەری هێرشی نیزامی رۆژئاوا بۆ سەر ئەو وڵاتەش دوور لە چاوەڕوانی نیە، بەڵام كۆماری ئیسلامی وێڕای هەموو ئەم گرفتانە هەوڵ دەدات ناوچە كوردستانیەكان بكاتە شوێنی جەوڵە كردن و ئاژاوە نانەوە.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.