دوو شه‌ممه‌ 24 ئه‌یلول 2018
ماڵەوە / کوردستان / پارێزگای سنە 68 هەزار كەس نەخوێندەواری تێدایە

پارێزگای سنە 68 هەزار كەس نەخوێندەواری تێدایە

بە وتەی بەڕێوەبەری پەروەردەی پارێزگای سنە بەپێی ئامارەكان هەتا ئێستا 68 هەزار كەسی نەخوێندەوار لەناو چەند تەمەنی جیاواز لەو پارێزگایە تۆمار كراون.

هەواڵنێریی حكومەتیی مێهر لە زاری “رەشید قوربانی” لێپرسراوی پەروەدەی پارێزگای سنەوە بڵاوی كردووەتەوە، ئەو 68 هەزار كەسە نەخوێندەوارە تەمەنیان لە نێوان 10 بۆ 49 ساڵ دایە.

ئەو بەرپرسە حكوومەتییە ئەوەشی ئاشكرا كردووە كە یەكێک لە بەرنامە سەرەكییەكانی پەروەردە كاركردنە بۆ نەهێشتن و بنبڕكردنی نەخوێندەواری.

بە وتەی مامۆستایان و چالاكانی پەروەردەیی كورد ئەم وتانەی بەرپرسی پەروەردەی سنە لە كاتێك دان كە رۆژ لە دوای رۆژ رێژەی نەخوێنەدواری زیاتر دەبێت و لە بەرانبەریشدا دۆخی پەروەردە و ژیان و گوزەرانی مامۆستایان لە ئێران و كوردستان بەرەو خراپتر بوون دەچێ‌.

بە وتەی چالاكانی پەروەردەیی ئەو ئامارەی كە حكوومەت بڵاوی كردووەتەوە، ئاماری راستەقینەی رێژەی نەخوێندەواریی ئەو پارێزگایە نییە و لەوەش زیاترە.

ماوەی چەند مانگێكە بەهۆی خراپیی دۆخی ژیان و گوزەرانی مامۆستایانی ئێران و كوردستان، مامۆستایان دەستیان داوەتە ناڕەزایەتی دەربڕین و مانگرتنی گشتی و ویست و داخوازییەكانیان هێناوەتە بەرباس.

بابەتی هاوپۆل

بریندار و گیان لە دەستدانی سێ کۆڵبەر لە سنووری چاڵدێران

ڕۆژی سێ شەممە ۲۷ی خەرمانان لە سنوری چاڵدێران هێزە چەکدارەکانی ڕژیم کاروانی کۆڵبەران دەدەنە بەر …