سێ شه‌ممه‌ 22 كانونی دووه‌م 2019
ماڵەوە / ئێران / جەیشولعەدل : 18 ئەندامی سپای قودسی ئێرانمان بە دیل گرتووە

جەیشولعەدل : 18 ئەندامی سپای قودسی ئێرانمان بە دیل گرتووە

ڕێكخراوی چەكداری “جەیشولعەدل” ڕۆژی یەكشەممە 30 مانگی خاكەلێوە ڕایگەیاند، هێزەكانی سەر بە ڕێكخراوەكەیان لە هێرشێكدا توانیویانە 18 كەس لە هێزەكانی سەر بە سپای قودسی كۆماری ئیسلامی ئێرانیان لە ناوچەی سیستان و بەلووچستان بە دیل بگرن.

جەیشولعەدل لە بەیاننامەیەكدا بڵاوی كردووەتەوە، سپای پاسدارانی كۆماری ئیسلامیی ئێران ویستوویەتی ئەو هێزانە بۆ فێرگەیەكی مەشق و راهێنان لە ناوچەی “نوسرەت ئاوا”ی سەر بە پارێزگای سیستان و بەلووچستان بگوازێتەوە كە لە بۆسەیەكدا بە دیل گیراون.

لە بەیاننامەكەدا هاتووە، لقی ”شەهید نیعمەتوڵڵا” كە باڵی سەربازیی ئەو ڕێكخراوەیە دێتە ئەژمار بۆسەیان لەسەر ڕێگای كاروانی هێزەكانی سپای قودسدا داناوەتەوە و 18 كەسیان بەدیل گرتووە و دەستیان بەسەر چەندین ئۆتۆمبێلی و كەرەسەی سەربازیشدا گرتووە.

بە یاننامەكە ئاشكراشی كردووە لە ئەنجامی ئەو بە دیل گرتنەدا شەڕ و تێكهەڵچوون دروست بووە و ژمارەیەك لە هێزەكانی سەر بە سپای قودسیش كوژراون و ژمارەیەكی دیكەش توانیویانە خۆیان ڕزگار بكەن.

لە كاردانەوە بە بڵاوبوونەوەی ئەو راگەیەندراوەدا، “قاسم حەسەن زادە” بەرپرسی پەیوەندییە گشتیەكانی سپای قودس لە وتووێژێكدا هەواڵی بە دیل گیرانی 18 ئەندامی ئەو رێكخراوەیە رەت كردەوە.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.