زاگرۆس پۆست
تەقینەوەیەكی بەهێز لە نزیك كونسولخانەی ئەمریكا لە شاری هەولێر روویدا و بەو بۆنەوە ژمارەیەك قوربانیی لێكەوتوە.
بە پێی هەواڵی “زاگرۆس پۆست”، دوانیوەڕۆی ئەمڕۆ هەینی 28ی مانگی خاكەلێوە، تەقینەوەیەكی بەهێز لە گەڕەكی مەسیحی نشینی “عەنكاوە” لە هەولێر پایتەختی هەرێمی باشووری كوردستان و لە نزیك كونسولخانەی ئەمریكا هاتە ئاراوە.
بە پێی زانیارییە سەرەتاییەكانی ئاسایشی هەولێر، ئەو تەقینەوەیە كە كردەوەیەكی تیرۆریستی بووە ژمارەیەك قوربانیی لێكەوتووەتە، بەڵام هەتا ئێستا ژمارەی قوربانیەكان نادیارە.
شایانی باسە، هەتا ئامادەكرانی ئەم هەواڵە هیچ گرووپێك بەرپرسیاریەتی ئەو كردەوە تیرۆریستیەی نەگرتووەتە ئەستۆ و بەو بۆنەشەوە شاری هەولێر كەوتۆتە ژێر چاودێریی و كونتڕۆڵی توندی ئەمنیەتیەوە.
