3 كاسبكاری كورد دەستگیر و 32 هەزار بوتڵ مەشروب زەوت كرا

لە پەلامارێكی هێزە چەكدارەكانی كۆماری ئیسلامی لە سنووری نالوس 32 هەزار بوتڵ مەشرووبی ئەلكولی لە سنووری شاری شنۆ دەستی بەسەردا گیرا.

بە پێی راپۆرتی سەرچاوە هەواڵنێرییەكانی ئێران و لە زاری فەرماندەی هەنگی سەر سنووری شاری پیرانشار: شەوی رابردوو لە هێڵە سنوورییەكانی شاری شنۆ ژمارەیەك كاسبكاری كورد كەوتنە بۆسیەی هێزەكانی كۆماری ئیسلامیەوە.

دەوترێ، لەو هێرشەدا 18 سەر ئەسپی بارهەڵگری كاسبكاران و 32 هەزار بوتڵ مەشروب دەستی بەسەردا گیرا و 3 كاسبكاریش دەستگیر و رادەستی ناوەندە قەزاییەكان كراون.

شایانی باسە، بە هۆی نەبوونی مەجالی كار و بێكاریی بەرفراوان لە شارەكانی رۆژهەڵاتی كوردستان و بەتایبەت لە شارە سنوورییەكان، بە هەزاران كەس لە خەڵكی زەحمەتكێش و هەژار روویان كردووەتە كاری كاسبكاری و كۆڵبەریی لەسەر سنوورەكان و بەوبۆنەوە كەمتر رۆژێك هەیە لە لایەن هێزەكانی كۆماری ئیسلامیەوە هێرش نەكرێتە سەریان و بەرەوڕووی خەساری گیانی و ماڵی نەبنەوە.

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.