شه‌ممه‌ 5 كانونی یه‌كه‌م 2020
ماڵەوە / سیاسی / دوایین زانیارییەكان لەسەر یەكگرتنەوەی ریزەكانی كۆمەڵە

دوایین زانیارییەكان لەسەر یەكگرتنەوەی ریزەكانی كۆمەڵە

یەكگرتنەوەی ریزەكانی 3 باڵی كۆمەڵە لە سەروبەندی رێكەوتن و بە سەرنجام گەیشتن دایە.

بە پێی زانیارییەكانی “زاگرۆس پۆست”، ئەمڕۆ چوارشەممە 26ی مانگی خاكەلێوە لە كۆببوونەوەیەكی نێوخۆیی ئەندامانی “كۆمەڵەی زەحمەتكێشانی كوردستان” باس لە یەكگرتنەوەی ئەو لایەنەی كۆمەڵە لەگەڵ 2 رەوتی دیكەی كۆمەڵە بە ناوەكانی “رەوتی سۆسیالیستی كۆمەڵە و كۆمەڵەی شۆڕشگێڕی زەحمەتكێشانی كوردستان ئێران _ هێڵی یەكگرتنەوە” كراوە.

لە كۆبوونەوەكەدا كە لە لایەن “رەزا كەعبی” بەرپرسی هەیئەتی ئیجرایی كۆمەڵەی زەحمەتكێشانی كوردستانەوە پێشكەش كراوە، ئاماژەیەك دراوەتە ئەو هەنگاوانەی كە تا ئێستا هەوڵەكانی یەكگرتنەوەی نێو ئەو 3 لایەنەی كۆمەڵە هەڵیان گرتووە.

“رەزا كەعبی” وێڕای جەخت كردنەوە لەسەر پێشەوەچوونی بەرچاوی كارەكانی 2 كۆمیسیۆنی دیارییكراو بۆ نووسینەوەی “پێڕۆ و پڕۆگرامی” حیزبی یەكگرتووی داهاتوو، داوای لە هەموو ئەندامانی كۆمەڵە كردووە كە بەرپرسیارانە لە ئاست بابەتەكەدا بجووڵنەوە و لە هەمان كاتدا بۆ قاییم و پتەو كردن و خێرایی پڕۆسەكە، هەموو هەوڵ و توانای خۆیان بخەنەگەڕ و هەروەها پێشنیار و روانگەی خۆیان سەبارەت بەو بابەتە بخەنە بەردەست ئەندامانی دانووستانكاری یەكگرتنەوەی ریزەكانی كۆمەڵە.

لە بەشی كۆتایی كۆبوونەوەكەدا، ئەندامانی كۆمەڵەی زەحمەتكێشانی كوردستان وێڕای پێشوازیی كردن لە یەكگرتنەوەی ئەو 3 لایەنەی كۆمەڵە و هیواخواستن بۆ ئەوەیكە هەموو لایەنەكانی كۆمەڵە بە هەست بە بەرپرسیاریەتی لە ئاست بزووتنەوەی شۆڕشگێڕانەی رۆژهەڵاتی كوردستان بەگشتی و كۆمەڵە بەتایبەتی، داوایان كردووە هەوڵەكان بۆ یەگرتنەوەی یەكجاریی كۆمەڵە و بووژاندنەوەی بزووتنەوەی كوردستان بخەنەگەڕ و لە هەمان كاتدا رەخنە و پێشنیارەكانی خۆیان بە راشكاوی ئاراستەی سەركردایەتی حیزبەكەیان كردووە و وتوویانە: “دەبێ هەموو ئەو هەڵسوكەوت و كردەوانەی كە لە ماوەی ساڵانی رابردوو بوونەتە هۆی خەسار و زیان و جیابوونەوە و دابڕان، كۆتایی پێ بێت”.

بابەتی هاوپۆل

آمار رسمی کل قربانیان کرونا در ایران از ۵۰ هزار نفر گذشت

وزارت بهداشت رژیم ایران روز شنبه اعلام کرد که طی شبانه‌روز گذشته، ۳۲۱ نفر دیگر …

یەک بۆچوون

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.