چوار شه‌ممه‌ 12 كانونی یه‌كه‌م 2018
ماڵەوە / ئێران / لە ماوەی دوو رۆژدا 27 كەس لە ئێران ئێعدام كراون

لە ماوەی دوو رۆژدا 27 كەس لە ئێران ئێعدام كراون

سەرلەبەیانی ئەمڕۆ لە زیندانی رەجایی شاری كەرەج 19 كەس كە 12 كەسیان بۆ زیندانی قزڵحسار گواسترابوونەوە، لە رێگای پەتی سێدارەوە ئێعدام كران.

بە پێی راپۆرتی كەمپەینی بەرگری لە زیندانیانی سیاسی و مەدەنی، سەرلەبەیانی ئەمڕۆ سێشەممە لە زیندانی رەجایی شاری كەرەج، حوكمی ئێعدام 19 كەس كە پێشتر رەوانەی ژووری تاكەكەسی كرابوو،  بەڕێوە چووە و لەم رێژەیەش 12 كەسیان بە مەبەستی لەسێدارەدان رەوانەی زیندانی قزڵحسار كرابوون.

لە لایەكی دیكەوە بە پێی راپۆرتی كۆمەڵەی چالاكانی مافی مرۆڤ لە ئێران، 16 زیندانیی دیكە بە مەبەستی جێبەجێ كردنی حوكمی ئێعدامەكەیان رەوانەی ژووری تاكەكەسی كراون و بڕیارە سبەینێ لەسێدارە بدرێن.

ئەمەش لەحاڵێكدایە كە ناوەندی دەنگ و باسی سەر بە دەنگ و رەنگی كۆماری ئیسلامی رۆژی دوشەممە باسی لە ئێعدامی 8 كەسی دیكە لە زیندانی ناوەندی شاری كەرەج كردبوو.

شایانی باسە، ژمارەیەك لە بنەماڵەی زیندانیانی مەحكوم بە ئێعدام لە زیندانی رەجایی شاری كەرەج و قزڵحسار رۆژی دووشەممە بۆ دوایین چاوپێكەوتن لەگەڵ زیندانیان بانگهێشت كرابوون.

زۆربەی ئەو زیندانیانە لەپەیوەند لەگەڵ قاچاخی مادەهۆشەبەركان لەسێدارە دراون و تا ئێستا ناوی چەند كەسیان كە بریتیە لە “رەزا قوربانی، مەحمود مەەكی، حەمید فەرەجلو، ئەحمەد مەلەك زادە و مەنسور غوڵامی” ئاشكرا بووە و شوناسی باقیەكەیان هەتا ئێستاش نادیارە.

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.