زاگرۆس پۆست
ستادی هەواڵگریی ئیدارەی ئیتلاعات لە شاری دیواندەرە، بەكۆمەڵ 12 كەسی خەڵكی ئەم شارەی دەستبەسەر كردووە.
بەپێی ڕاپۆرتی ماف نیوز، ڕۆژی دووشەممە 24ی خاكەلێوەی 1394ی هەتاوی، 12 كەس لە خەڵكی شاری دیواندەرە لە ماڵێكدا لە ئاوایی “تیلەكۆ”ی سەر بەم شارە لە لایەن هێزەكانی ئیدارەی ئیتلاعاتی كۆماری ئیسلامییەوە هێرشیان كراوەتە سەرو گیراون.
لە نێو ئەم كەسانەدا تەنیا ناوی كەسێك بە ناوی “عەلی حامیدیی كەرجۆ” ئاشكرا كراوە و تا كاتی ئامادە كرانی ئەم هەواڵە، ناوی باقی دەستبەسەر كراوەكانی دیكە نەزانراوە.
بەم جۆرە كە لەو ڕاپۆرتەدا هاتووە “عەلی حامیدیی كەرجۆ” شاخەوانێكی كوردو خەڵكی یەكێك لە ئاواییەكانی دەوروبەری شاری سنەیە كە بە مەبەستی چالاكیی شاخەوانی سەردانی ناوچەی دیواندەرەی كردبوو.
شایانی باسە تا ئێستا هۆی گیرانی ئەم كەسانە ڕوون نەبۆتەوە.
