یه‌ك شه‌ممه‌ 17 تشرینی دووه‌م 2019
ماڵەوە / کوردستان / لە گەڕٍەكەكانی كوردستان تۆڕی ئەمنیەتیی پێكدێت

لە گەڕٍەكەكانی كوردستان تۆڕی ئەمنیەتیی پێكدێت

جێگری كۆمەڵایەتیی فەرماندەیی هێزی ئینتزامی رژیم لە كوردستان ئاماژەی بە پێكهێنانی شورای موعتەمدی پۆلیس كرد كە بڕیارە لە گەڕەكانی شارەكانی كوردستان ئەركی كۆنتڕۆڵكردنی دۆخی ناوخۆ بە ئەستۆ بگرن.

جەواد بەنی عامریان رایگەیاند، ئێمە هەوڵدەدەین بە پێكهێنانی شورایەكی تایبەت لە گەڕەكان، كەش‌و هەوای شارەكانی بەدەستەوە بگرین‌و بەمشێوە كۆنتڕۆڵێكی زۆرترمان بەسەر دۆخەكەدا هەبێت. بەنی عامریان باسی لەوە كرد، ئێمە بۆ بەڕێوەبردنی ئەم گەڵاڵە كەڵك لە خانەنشین كراوان، هێزە چەكدارەكان، هێزەكانی بەسیج، شارەوان، بەڕێوەبەرانی خوێندنگە‌و مامۆستایانی زانكۆ وەردەگرین. ناوبراو لەم پەیوەندەدا دەڵێت، خەسارە كۆمەڵایەتیەكان بە شێوەیەكی بەرچاو پەرەی سەندووە‌و ئەمەش دەخوازێت كە ئێمە لە گەڕەكەكان تۆڕێكی ئەمنیەتی دروست بكەین.

شایانی باسە، بە پێی وتەی لێكۆڵەران‌و پسپۆڕان، كۆماری ئیسلامیی خۆی خولقێنەری ئەو دۆخەیە كە خەساری كۆمەڵایەتی بەرهەم دێنێت، بەڵام ئێستاكە دەیەوێت بە پێكهێنانی شورای موعتەمەدی پۆلیس، هەرچی زۆرتر هەوڵبدەن بۆ ئاژاوە نانەوە لە نێوان دانیشتووانی شارەكانی كوردستان‌و لە هەمانكاتیشدا ناویان لێناوە هەوڵێك بۆ پێشگرتن بە پەرەسەندنی خەسارە كۆمەڵایەتیەكان.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.