زاگرۆس پۆست
راپۆرتەكان باس لە داخرانی گەورەترین كارخانەی بەرهەمهێنەری پارچە لە پارێزگای ئیلام دەكەن.
دەوترێ، كارخانەی “زەرجین بافت”ی ئیلام یەكێك لە گەورەترین بەرهەمهێنەری پارچەی جین لە وڵات بوو كە ٣ ساڵ لەمەوبەر بەناچار داخراو و ١٤٠ كەس لە كرێكارەكانی دەركراون.
پێشینەی كاری كرێكارانێك كە لەم كارخانەیە كاریان كردووە، لە نێوان ١ تا ١٨ ساڵە. سەرەڕای ئەوەیكە ئەم كارخانەیە لە بواری بەرهەمهێنان و فرۆش و هەروەها دانی حەقدەستی كرێكاران هیچ كێشەیەكی نەبووە، بەڵام بە كرێكاران راگەیەندراوە كە كەمبوونی نەختینەگی، گران بوونی مەوادی سەرەكی و نەفرۆشرۆشتنی بەرهەمەكانیان، داخرانی ئەو كارخانەی لێكەوتۆتەوە.
شایانی باسە، سەرەڕای بەدواداچوونی كرێكاران بۆ چارەسەركردنی كێشەكانیان لەلایەن بەرپرسانەوە وڵامێك نەدراوەتەوە و پاش تێپەڕبوونی چەندین ساڵ هێشتا بەشێك لە حەقدەستەكانیان پێنەدراوە.
