چوار شه‌ممه‌ 13 تشرینی دووه‌م 2019
ماڵەوە / جیهان / سێ وەزیری دەوڵەتی توركیا دەستیان لەكار كێشایەوە
رەزا زەراب

سێ وەزیری دەوڵەتی توركیا دەستیان لەكار كێشایەوە

بەهۆی ئاشكرابوونی گەندەڵی گەورەی دارایی لە حكومەتی توركیا، سێ وەزیری ئەو وڵاتە دەست لەكاركێشانەوەی خۆیان لەپۆستەكانیان راگەیاند. باس لەوەش دەكرێت سێ ئێرانی دەستیان لەگەندەڵییە ئابورییەكانی توركیادا هەیە.

ئەمرۆ چوارشەممە دوو وەزیری ئابوریی‌و ناوخۆی توركیا، دوای ئەوەی كوڕەكانیان بە تۆمەتی بەرتیل و گەندەڵی دەستگیركران،دەستیان لەكار كێشایەوە.
زەفەر چاڵەیان، وەزیری ئابووری توركیا لە بەیاننامەیەكی نووسراودا دەستلەكاركێشانەوەكەی خۆی راگەیاند و ئاماژەی بەوەدا: “زۆر روونە ئەو ئۆپەراسیۆنەی لە 17/12/2013وە دەستیپێكردووە هەوڵێكی ناشیرینە بۆ سەر حكومەت و پارت و وڵاتەكەمان”.

هاوكات موعەممەر گولەر، وەزیری ناوخۆی توركیا دوای ئەوەی بارش گولەری كوڕی  لە چوارچێوەی ئۆپەراسیۆنی خراپ بەكارهێنان و بەتیل وەرگرتن دەستگیركرا، دەستلەكاركێشانەوەی خۆی راگەیاند، بەڵام تاوەكو ئێستا هیچ روونكردنەوەیەك لە لایەن گولەرەوە رانەگەیەنراوە.
بەدوای ئەوانیش پاشنیوەرۆی ئەمرۆ  ئەردۆغان بایراكتار، وەزیری ژینگەو شارەوانی دەستی لە پۆستی وەزیرو نوێنەرایەتی پەرلەمانی توركیا كێشایەوە.

بەپێی میدیاكانی توركیا لەئاشكرا بوونی گەندەڵی دارایی ئەو وڵاتە سێ شارۆمەندی ئێرانی بەناوەكانی: رەزا زەڕاب، بابەك زەنجانی‌و كاملیا جەمشیدی لەو گەندەڵییانەدا دەستیان بووە. هەواڵنێری فەرانسە بڵاویكردەوە وەزیری ئابوری توركیا بڕی 50 ملیۆن دۆلار بەرتیلی لە رەزا زەڕاب، بازرگانی ئێران وەرگرتووە تا یارمەتی بدات لە سپی كردنەوە پارە (پوڵشوویی)‌و قاچاخی ئاڵتون.

لەماوەی رۆژانی رابردوو 57 كە لەوانە بەڕێوەبەری هالك بانك‌و كوڕەكانی ئەو سێ وەزیرەی دەستیان لەكاركێشانەوەتە بە تۆمەتی گەندەڵی رووبەرووی دادگا كرانەوە. هاوكات زیاتر لە 500 كەس لە بەرپرسانی باڵای پۆلیس لەم پەیوەندەدا لەكارەكانیان دوورخرانەوە.

بابەتی هاوپۆل

چوار چالاکی ئەدەبی لە بۆکان دەستگیر کران

هێزەکانی ئیتلاعات لە شاری بۆکان چوار چالاکی ئەدەبیی خەڵکی ئەو شارەی دەستگیر و رەوانەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.