یه‌ك شه‌ممه‌ 24 شوبات 2019
ماڵەوە / جیهان / دوایین ئاماری چەكدارە بیانیەكانی نێو داعش و ئەلقاعیدە ئاشكرا بوو

دوایین ئاماری چەكدارە بیانیەكانی نێو داعش و ئەلقاعیدە ئاشكرا بوو

رێكخراوی نەتەوەیەكگرتوەكان ئاشكرای دەكات، پتر لە 25 هەزار چەكداری بیانی لەنێو ریزەكانی داعش و ئەلقاعیدەدان.

شارەزایانی نەتەوەیەكگرتوەكان، كە چاودێری سزا سەپێنراوەكانی سەر بە رێكخراوی قاعیدە دەكەن، لە راپۆرتێكیاندا بڵاویان كردوەتەوە، كە زیاتر لە 25هەزار چەكداری بیانی كە خەڵكی نزیكەی 100 وڵاتی جیهانن لەنێو ریزەكانی داعش و ئەلقاعیدەدان و هەریەك  لەعیراق و سوریە بوونیان هەیە.

وەك لە راپۆرتەكەدا هاتووە، 22هەزار چەكداری تیرۆریستی بیانی لەعیراق و سوریان و 6500چەكداری بیانی دیكەش لە ئەفغانستانن، ئەمە جگە لەوەی سەدانی تر لە یەمەن و لیبی و پاكستان و سۆمالی دەجەنگن.

ئامادەكردنی ئەو راپۆرتە و رادەستكردنی بە ئەنجوومەنی ئاسایشی  نێودەوڵەتی لەسەر داوایەكی ئەنجومەنی ناوبراو بووە، كە لە چەند مانگ پێش ئێستا ژمارەیەك شارەزای سەر بە نەتەوە یەكگرتوەكان راسپێردران بۆ ئەوەی لەماوەی 6مانگدا راپۆرتێك سەبارەت بە هەڕەشەكانی داعش و بەرەی نوسرە و گروپە توندرەوەكانی تر ئامادە بكەن.

بابەتی هاوپۆل

مامۆستایەکی کورد بە یەکساڵ زیندان مەحکوم کرا

ئومید شامحەمەدی، چالاکی فەرهەنگی خەڵکی شاری دیواندەرە لە لایەن لقی یەکی دادگای ئینقلابی شاری سنەوە، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.