یه‌ك شه‌ممه‌ 24 ئازار 2019
ماڵەوە / ئێران / ئێران 4 میلیارد و 200 میلیۆن دۆلار یارمەتی سوریەی كردووە

ئێران 4 میلیارد و 200 میلیۆن دۆلار یارمەتی سوریەی كردووە

دەنگ و رەنگی كۆماری ئیسلامی بڵاوی كردەوە، جێگری وەزیری دەرەوەی ئێرانی جەختی لەسەر ئەوە كردووەتەوە، كە لەگەڵ هەرچەشنە دەستێوەردانێكی دەرەكی لە كاروباری ناوخۆیی سوریە ناكۆكین و هەموو كاروبارەكان دەبێ بە دەست خودی سوریەكانەوە بێت.

جەختكردنەوەی جێگری وەزیری دەروەی كۆماری ئیسلامی لەسەر بێ لایەن بوون بەرامبەر بە كێشە ناوخۆییەكانی سوریە لە دۆخێكدایە، كە خودی ئێران تا ئێستا هێزێكی زۆری رەوانەی ئەو وڵاتە كردووە و چەندین كەسیشیان لە شەڕ و كێشە ناوخۆییەكانی سوریەدا كوژراون و دەنگۆكان باس لەوە دەكەن، كە ژمارەیەك هاوڵاتیی ئەفغانی كە مانگانە بڕی هەزار دۆلار لە ئێڕان وەردەگرن، ئێستاكە لە سوریە بە دژی نەیارانی بەشار ئەسەد لە بەرەكانی شەڕدان.

لە لایەكی ترەوە كۆماری ئیسلامی ئێران پشتڕاستی دەكاتەوە، كە لە سەرەتای دەسپێكی قەیران لە سوریە، یارمەتی دەوڵەتی ئەو وڵاتەی داوە و بە بڕی 4 میلیارد و 200 میلیۆن تمەن خۆراك، سووتەمەنی، ئامبۆڵانس و كەلوپەلی دیكەی رەوانەی ئەو وڵاتە كردووە.

یارمەتی گەیاندنی ئێران بە سوریەش لە كاتێكدایە، كە خەڵكی خودی ئێران بە هۆی ئابڵۆقە نێودەوڵەتیەكان دژی ئەو وڵاتە بە هۆی گوماناویی بوونی بەرنامەی ئەتۆمیەكەی لە دۆخێكی زۆر نالەباردا دەژین و هەڵاوسان و گرانی و بێكاری و دەیان گرفت و كێشەی كۆمەڵایەتی دیكە، تەنگی بە ژیانی هاوڵاتییان هەڵچنیوە.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.