زاگرۆس پۆست
وەزارەتی بەرگریی ئوسترالیا ڕایگەیاند: بەهۆی هێرشە ئاسمانییەكانی هاوپەیمانیی نێودەوڵەتی و پرۆسە سەربازییەكانەوە، 9 هەزار و 500 چەكداری داعش، كوژراون.
سایتی سێڤن نیوزی ئوسترالیا، لە زاری چەند بەرپرسێكی وەزارەتی بەرگریی ئەو وڵاتەوە بڵاوی كردەوە: لە ئەنجامی هێرشە ئاسمانییەكانی هاوپەیمانان و پرۆسە سەربازیەكاندا بۆ سەر موڵگەكانی داعش، 9 هەزار و 500 چەكداری ئەو ڕێكخراوە كوژراون.
وەزارەتی بەرگریی ئوسترالیا ئەوەشی ئاشكراكردوە: لە ئێستادا 31 هەزار چەكداری داعش ماون كە 18 هەزاریان بیانین و 90 چەكداریان ئوسترالیاین.
پێشتر وەزارەتی دەرەوەی ئەمەریكا ڕایگەیاندبوو: هێزەكانی هاوپەیمان، 2 هەزارو 967 هێرشی ئاسمانییان كردونەتە سەر داعش لە عێراق و سوریە و بەوهۆیەوە هەزاران چەكدار و ژمارەیەكی زۆری سەركردەی ئەو ڕێكخراوە كوژراون.
