زاگرۆس پۆست
یەكێك لە ئەندامانی سپای پاسدارانی كۆماری ئیسلامی لە ئاكامی هێرشی فڕۆكە پەهبادەكانی ئەمریكا لە عێراق كوژرا.
ماڵپەڕی فەرمی سپای پاسدارانی كۆماری ئیسلامی ئاشكرای كردووە، كە ئەندامێكی ئەو رێخراوەیە بە ناوی “عەلی یەزدانی” رێكەوتی 3ی مانگی خاكەلێوە هاوڕێ لەگەڵ كەسێكی دیكە بە ناوی “هادی جەعفەری” لە شاری تكریتی عێراق كوژراون.
تەرمی ناوبراو رۆژی یەكشەممە 9ی مانگی خاكەلێوە لە باشووری شاری تاران نێژرا.
جێگای ئاماژەیە، تا ئێستا و لە دەسپێكی شەڕ و ناكۆكیەكانی لە عێراق و سوریە، بە دەیان ئەندامی سپای پاسدارانی كۆماری ئیسلامی ئێران كە بە مەبەستی پشتیوانی لە شیعەكانی ئەو 2 وڵاتە و بەرەوڕوو بوونەوە لەگەڵ نەیاران بەتایبەت گرووپی داعش روویان لەو وڵاتانە كردووە، كوژراون.
