شه‌ممه‌ 21 تشرینی یه‌كه‌م 2017
ماڵەوە / سیاسی / 16 چالاكی سیاسی كورد لە لایەن دادگای ورمێەوە حوكم دران

16 چالاكی سیاسی كورد لە لایەن دادگای ورمێەوە حوكم دران

حوكمی قەزایی 16 هاوڵاتیی دەستگیر كراو لە شاری ورمێ بە تۆمەتی سیاسی و ئەمنیەتی دەركرا.

بە پێی راپۆرتی كۆمەڵەی چالاكانی مافی مرۆڤ لە ئێران، مانگی رێبەندانی ساڵی 93 لقی یەكی دادگای ئینقلابی شاری ورمێ حوكمی زیندانی 16 هاوڵاتیی كورد كە لە ماوەی مانگەكانی جۆزەردان تا پووشپەڕی ساڵی 93ی هەتاویی دەستگیر كرابوون، دەركردووە.

ناوی ئەم هاوڵاتییانە كە لە نێوان 7 مانگ بۆ 2 ساڵ زیندانیانی بەسەردا سەپاوە، بەم چەشنەی خوارەوەیە:
فەرامەرز نەجەفی، حسێن نەجەفی، فایەق نەجەفی، كەریم زەمانی، عەبدوڵڵا بەدەوی، مەحمود جانگو، عەبدوڵناسر محەمەد پوور، مەولود حسێنی، ناجی تەیمورزادە، فەرەیجون ئیبراهیمی خەڵكی شاری ورمێ و رەزا ئەیوبی، رەمەزان سەبزی، عەلی ئەهرۆم، گوڵناز ئاهەنگ خۆش خەڵكی شاری ماكۆ و بەشیر ساڵحی خەڵكی شاری خوی.

زۆربەی ئەو زیندانیانە بە تۆمەتی هەوڵدان دژی ئەمنیەتی میللی لە رێگای پەیوەندیی لەگەڵ پژاك مەحكوم كراون و لە بەندەكانی سیاسی، لاوان و بەندی 34ی زیندانی ورمێ راگیراون.

لەو نیچوەدا حوكمی زیندانی گولِناز ئاهەنگ خۆش، رەزای ئەیوبی و رەمەزان سەبزی هێشتا پێیان رانەگەیەندراوە.

جێگای باسە، ناسر بەدەوی كە 7 مانگ زیندانی بەسەردا سەپاوە، خوێندكاری كارناسیی باڵای زانكۆی پیشەیی شەریف بووە.

بابەتی هاوپۆل

رۆژهەڵاتی کوردستان: 6 بەندکراوی کورد ئازاد کران

شەش بەندکراوی خەڵکی شارەکانی شنۆ، سنە، ورمێ‌و کرماشان بە دانانی بارمتەی 930 ملیۆن تمەن بو …