زاگرۆس پۆست
وەرزشوانێكی تازەلاوی خەڵكی شاری سەقز لە وەرزشی وەزنە بەرداری (كێش هەڵگرتن) لە ئاستی ئێراندا پلەی دووهەمی مسۆگەر كرد.
بە پێی هەواڵی گەیشتوو بە “زاگرۆس پۆست”، لە ماوەی رۆژانی رابردوو وەرزشوانێكی تازەلاوی خەڵكی شاری سەقز بە ناوی “ئەیوب ساڵحی” لە وەرزشی وەزنە بەرداری (كێش هەڵگرتن) لە پاڵەوانیەتی كرێكارانی ئێران، توانیویەتی پلەی دووهەم و میداڵی زێو (نوقرە) مسۆگەر بكات.
ئەو وەرزشوانەی كوردە پێشتریش لە چەندین كێبەركێی دیكەدا میداڵی وەدەستهێنابوو.
شایانی باسە، زۆر وەرزشوان و یاریزانی هەڵكەوتووی كورد لە ئێران بوونی هەیە، كە لەبەر ئەوەیكە كۆماری ئیسلامی هەم لە بواری نەتەوەیی و هەندێ جاریش لەبەر كێشەی مەزهەبی ناهێڵێ ئەو وەرزشوانە لێهاتووانە لە گۆڕەپانە جیاجیاكاندا دەركەون و زۆر جار پەراوێز دەخرێن.
