چوار شه‌ممه‌ 16 كانونی دووه‌م 2019
ماڵەوە / کوردستان / ژمارەیەك لە هاوڵاتییانی كورد بە هۆی بەڕێوەبردنی جێژنی نەورۆز دەستگیر كران

ژمارەیەك لە هاوڵاتییانی كورد بە هۆی بەڕێوەبردنی جێژنی نەورۆز دەستگیر كران

ژمارەیەكی بەرچاو لە خەڵكی شارەانی مەهاباد، بانە، سنە، رەبەت و نەوسوود لە پەیوەند لەگەڵ بەڕێوەبردنی جێژنی سەری ساڵ و نەورۆز لە لایەن هێزەكانی كۆماری ئیسلامیەوە دەستگیر كران.

بە پێی ئەو هەواڵانەی بە “زاگرۆس پۆست” گەیشتووە، رۆژێك پاش بەڕێوەچوونی جێژنی نەورۆز و سەری ساڵی نوێ لە لایەن هاوڵاتییانی دانشتووی شارە جیاجیاكانی رۆژهەڵاتی كوردستان، ژمارەك لە هاوڵاتییان وێڕای لێدان و سووكایەتی دەستگیر كر و راپێچی شوێنە ئەمنیەتیەكانی كۆماری ئیسلامی كراون.

ئەو كەسە دەستگیر كراوانە، كە لە شارەكانی مەهاباد، بانە، سنە، رەبەت و نەوسوود دەستگیر كراون بەڵام رێژەیان نادیارە، ژمارەیەكیان پاش یەك شەو مانەوە لە گرتووخانەكانی وەزارەتی ئیتلاعات و ئیتلاعاتی سپا، وێڕای لێپرسینەوە و لێدان و سووكایەتی بە دانانی بارمتە و بە شێوەی كاتی ئازاد كراون.

شایانی باسە، كۆماری ئیسلامی هەموو ساڵێ لە سەروبەندی جێژنی نەورۆز و سەری ساڵی نوێ وێڕای ئەوەیكە بەردەوام هەڕەشە و گوڕەشەی پێشگرتن لە رێوڕەسمی شایی و سەمای خەڵك دەكات، پاش بەڕێوەچوونی ئەو رێوڕەسمانە لە لایەن هاوڵاتییان و گوێ نەدان بە هێزەكانی كۆماری ئیسلامی، ژمارەیەكی زۆر لە هاوڵاتییان بەتایبەت ئەو هۆنەرمەندانەی كە لە رێوڕەسمەكاندا شێعر و ئاواز و گۆرانی دەهۆننەوە، دەستگیر و دەیانخاتە ژێر زەخت و گوشار و بێ رێزییەوە.

بابەتی هاوپۆل

چالاکێکی دیکەی ژینگەپارێز لە کامیاران دەستبەسەر کرا

لە درێژەی شەپۆلی دەستبەسەر کردنی هاوڵاتیانی کورد لە شاری کامیاران، هاوڵاتیەکی دیکەی خەڵکی گوندی ئەڵک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.