چوار شه‌ممه‌ 26 شوبات 2020
ماڵەوە / کوردستان / رژیمی ئێران هەوڵی قڕكردنی ئاژەڵە نایابەكانی كوردستان دەدات

رژیمی ئێران هەوڵی قڕكردنی ئاژەڵە نایابەكانی كوردستان دەدات

سەرچاوەیەك باس لەوەدەكات چەكدارانی سەر بە حكومەتی ئێران لە چەند ناوچەیەكی ڕۆژهەڵاتی كوردستان دەستیان كردووە بە لەناوبردنی ئاژەڵە نایاب و دەگمەنەكان.
ژینگەپارێزێكی شاری مەریوانی رۆژهەڵاتی كوردستان بە رادیۆ نەوای ڕاگەیاند: پاش ئاگرتێبەردانی ژینگە و دارستانەكانی ڕۆژهەڵاتی كوردستان لە لایەن چەكدارانی سەر بە حكومەتی ئێران، ئەمجارە لە گەڵ هاتنی وەرزی سەرما ئەو چەكدارانە دەستیان كردووە بە لە ناوبردنی چەندین جۆر ئاژەڵ و باڵندەی دەگمەن و نایاب لەوانە هەڵۆ، واشە، شابوەكەڕە، ڕێوی و چەقەڵ.

وتیشی: چەكدارانی سەر بە ئیتلاعات و سوپا كە چەكی جۆری كڵاشینكۆفیان پێ یە، لە چیاكانی كۆساڵان و شاهۆ بەشێوەیەكی بەربڵاو دەستیان كردووە بە ڕاوكردنی كەڵەكێوی و بزنە كێوی.

هەر بە وتەی ئەو سەرچاوەیە تەنیا لە ماوەی رابردوودا 10 باڵندە و ئاژەڵی بریندار رادەستی “ئەنجومەنی سەوزی چیا” كراوە و ئەو ئەنجومەنە ناحكومیەش لە سەر ئەركی خۆی چارەسەریان بۆدەكات.

ئەو ژینگەپارێزە ئەو كردەوەی هێزە ئەمنیەكانی ئێرانی بە هەڵمەتێك بۆ “قڕكردن و لەناوبردنی ژینگەی كوردستان” ناوبردووە.

جێی ئاماژەیە لە ساڵانی رابردوودا چالاكوانانی ژینگەپارێزی رۆژهەڵاتی كوردستان چەندین جار حكومەتی ئێران و هێزە ئەمنیەكانی ئەو وڵاتەیان بە سوتاندنی دارستانەكانی ئەو بەشەی كوردستان تۆمەتبار كردووە.

بابەتی هاوپۆل

مەترسی دیپۆرت کردنەوەی چالاکێکی سیاسی کورد لە تورکیەوە بۆ ئێران

چالاکێکی سیاسی کورد لە گرتووخانەی تورکیە لە بەردەم مەترسی دیپۆرت کردنەوە بۆ ئێراندایە. بەپێی ھەواڵێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.