ژنان و پیاوان لە شایی و زەماوەندەكانی كرماشان لە یەك جیا دەكرێنەوە

ئیدارەی ئەماكنی گشتیی هێزەی ئینتزامییەكانی شاری كرماشان لە ئاگاداركردنەوەیەك بەو هۆڵانە (تالار) كە شایی و زەماوەندیی تێیدا ئەنجام دەگرێ رایگەیاندووە، ە دەبێ ژنان و پیاوان بە جیاجیا لەو هۆڵانەدا هەڵپەڕێن و نابێ بە شێوەی رەشبەڵەك هەَپەڕێن.

بە پێی راپۆرتی ماف نیوز، لە ئاگاداركردنەوەیەكدا هەموو ئەو هۆڵانەی كە شایی و زەماوەندی تێدا ئەنجام دەگرێ دەبێ شوێنی هەڵپەڕینی ژنان و پیاوان جیا بكرێنەوە و لە ئەگەری لەبەرچاو نەگرتنی ئەم ئاگادارییە، هۆڵەكە دادەخرێت و بەرەوڕووی سزای دادوەریی دەبێتەوە.

ئەو ئاگاداركردنەوەیە لەحاڵێكدا بە هۆڵەكانی شایی و زەماوەند لە كرماشان راگەیەندراوە، كە هەڵپەڕكێ و خۆشیی رەشبەڵەك (تێكەڵ) ژنان و پیاوانی كورد لە رێوڕەسمەكاندا بەشێك لە كەلتووری دێرینی خەڵكی كوردستان دێتە ئەژمار و ئەم چەشنە یاساگەلە بەردەوام ناڕەزایی توندی خەڵكی لێ كەوتووەتەوە.

هەروەها ئیدارەی ئەماكنی گشتیی هێزە ئینتزامییەكانی كرماشان لە ئاگاداركردنەوەیەكدا رایگەیاندووە، كە بەڕێوەبردنی رێوڕەسمی شایی و زەماوەند بە شێوەی رەشبەڵەك بە دوور لە ئەخلاق و بنەما ئیسلامیەكانە و لەمەوبەدوا لە هۆڵەكاندا دەبێ ژنان و پیاوان جیا لە یەكتر و بە لەبەرچاو گرتنی ئەو یاسا و رێسا ئیسلامیانە، هەڵپەڕكێ بكەن.

ئەو یاسایە پێشتر لە زۆربەی شارەكانی كوردستان چووبووە قۆناغی جێبەجێ كردنەوە و بووەتە هۆی ئەوەیكە تا لە هەندێ شوێن هاوڵاتییانی كورد بە ناچار رێوڕەسمی زەمانوەندی خۆیان لە ماڵەكاندا بەڕێوە بەرن و لەم حاڵەتەشدا، هەندێ جار بینەری دەستێوەردانی هێزە ئینتزامییەكان و ئیدارەی مەفاسدی كۆمەڵایەتیین.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.