زاگرۆس پۆست
وەزیری ناوخۆی فەرانسە بوونی نزیكەی 1300 هاوڵاتیی خەڵكی ئەو وڵاتەی لە نێو ریزەكانی رێكخراوی دەوڵەتی ئیسلامی (ناسراو بە داعش) لە عێراق و سووریە رادەگەیێنێت و پێشیوایە شانەی نووستوو بوونیان هەیە و لە هەر كاتێك بیانەوێت دەجووڵێن.
بێرنارد كازینۆف، وەزیری ناوخۆی فەرانسە دەڵێت:”دەزگا ئیتلاعاتیەكانی فەرانسە كاردەكەن بۆ چاودێریكردنی جموجۆڵی هەندێك لە تووندئاژۆكان، كە گومانی هێرشی تیرۆریستییان لێدەكرێت”.
لە هەمانكاتیشدا وەزیردی دادگوستەریی فەرانسە رایگەیاندبوو، سیستمێكی نوێ بۆ چاودێریی لەنێو بەندیخانەكان پەیڕەو دەكەن، بۆ تێكەڵنەبوونی تووندئاژۆكان بە بەندكراوانی دیكە و رێكخستن و ئامادەكردنیان بۆ نێو رێكخراوە تووندئاژۆكان ئاشكرا بكەن.
جێگای ئاژمایە، ئێستاكە زیاتر لە 15 هەزار چەكداری بیانی لە نێو ریزەكانی داعش لە وڵاتانی سوریە و عێراقدان، كە زۆربەی ئەو كەسانە لە وڵاتانی ئوروپاییەوە روویان لە داعش كردووە و تا ئێستاش بە دەیان كەسیان لێ كوژراوە.
