زاگرۆس پۆست
نووسەری كتێبەكانی حەمەدۆك و ئەفسانەی چیای ئاگر، “یەشار كەمال” كۆچی دوایی كرد.
ئەمڕۆ شەممە 9ی مانگی رەشەممە یەشار كەمال، نووسەری بەڕەچەڵەك كوردی بەناوبانگ لە توركیە كۆچی دواییكرد.
یەشار كەمال كە یەكێكە لە رۆماننووسە گەورەكانی توركیە ماوەیەك بوو دوچاری نەخۆشی بوو و لە یەكێك لە نەخۆشخانەكانی ئیستەنبوڵ لەژێر چاودێری چڕوپڕدابوو. لە ماوەی نەخۆشییەكەیدا زۆربەی كەسایەتییە كاریگەرەكانی باكووری كوردستان و توركیە سەردانیان كرد لە نەخۆشخانەدا.
یەشار كەمال لەدایكبووی ساڵی 1301ی هەتاویی و بە یەكێك لە پێشەواكانی بواری نووسین و ئەدەب دادەنرێت لە توركیە. چەندان خەڵاتی وەرگرتووە، لەوانە خەڵاتی نێودەوڵەتی كەتەلۆنیا و بڕوانامەی دكتۆرای فەخری لە زانكۆی بەرلینەوە. كتێبەكانی بۆ 39 زمانی جیاواز وەرگێڕدراون.
