چوار شه‌ممه‌ 1 نیسان 2020
ماڵەوە / کوردستان / كوژرانی كاسبكارێكی دیكە لە سەر سنوورەكانی كوردستان

كوژرانی كاسبكارێكی دیكە لە سەر سنوورەكانی كوردستان

شەوی ڕابردوو، لە ناوچە سنوورییەكانی ڕۆژهەڵاتی كوردستان، هێزەكانی سپای پاسدارانی كۆماری ئیسلامیی، تەقەیان لە كۆمەڵێك كۆڵبەر و كاسبكاری كورد كردووە، كە بەو هۆیەوە كۆڵبەرێكی كورد گیانی لەدەست داوە.

لە پێی راپۆرتی سەرچاوەكانی هەواڵ، “سیروان بەرزنجی”، تەمەن ٢٥ ساڵ، كوڕی لەتیف، ناوی ئەو كۆڵبەرە كوردە بووە كە بە تەقەی هێزەكانی سپای پاسداران گیانی لەدەست داوە.

دەوتری لەو هێرشەی سپای پاسداراندا، چەند سەر ئەسپی بارهەڵگری كاسبكارانیش بەكوشت چوون.

بە وتەی سەرچاوەیەكی ئاگادار، سپای پاسداران لە ناوچەی رەبەتی سەر بە شاری سەردەشت، ئەو هێزانە، سەرەڕای كوشتنی ئەو گەنجە كوردە، دەستیان بەسەر كەلوپەلی كۆلبەرانیشدا گرتووە و چوار سەر ئەسپی بارهەڵگری كاسبكارانیشیان كوشتووە.

هاووڵاتیانی كوردستان بە هۆی بێ دەرەتانی و دەستكورتی و نەبوونی پیشەیەكی شیاو بەناچاری ڕوویان لە پیشەی مەترسیداری كۆڵبەری كردووە و رۆژانە بەو هۆیەوە گیانیان دەكەوێتە مەترسیەوە.

بابەتی هاوپۆل

شاکر بێهروزی بە ٥ ساڵ زیندان سزا درا

لقی ٢ی دادگای شۆڕشی شاری ورمێ بە سەرۆکایەتی قازی دادوەر شێخلو، لاوێکی خەڵکی مەرگەوەری بە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.