چوار شه‌ممه‌ 8 نیسان 2020
ماڵەوە / کوردستان / سێ هاوڵاتیی كورد لە ماوەی رۆژانی رابردوو لەسێدارە دران

سێ هاوڵاتیی كورد لە ماوەی رۆژانی رابردوو لەسێدارە دران

لە ماوەی رۆژانی رابردوو 2 هاوڵاتیی كورد لە شاری كرماشان و كەسێكیش لە شاری سنە و لە لایەن دام و دەزگا ئەمنیەتی و قەزاییەكانی كۆماری ئیسلامیەوە لەسێدارە دران.

بە پێی راپۆرتی سەرچاوەكانی هەواڵ، رۆژی چوارشەممە ٦ی مانگی رەشەمە لە مەیدانی ئازادیی كرماشان و گەڕەكی (جەعفەرئاوا)ی كرماشان حوكمی لەسێدارەدانی دوو كەس جێبەجێ كرا.

دادستانی گشتیی كرماشان راگەیاندووە، كە ئەو دوو كەسە بە تاوانی دەستدرێژیی سێكسی و فیلم هەڵگرتن لە كردەوەكەیان، لەسێدارە دراون و تا ئێستا شوناسیان ئاشكرا نەكراوە.

هەروەها رۆژی پێنجشەممە 7ی مانگی رەشەممە و لە زیندانیی ناوەندیی شاری سنە، هاوڵاتییەكی خەڵكی شاری دیواندەرە بە ناوی “زاهید میرزایی” بە تاوانی ئەنجامدانی قەتڵ، لە سێدارە درا.

شایانی باسە، لە ماوەی 2 هەفتەی رابردوو زیاتر لە 50 كەس لە ئێرانی ژێر دەسەڵاتی كۆماری ئیسلامی، لەسێدارە دراون و لەو رێژەیەش لانیكەم 10 كەسیان كورد بوون و تا ئێستاش چارەنووسی 5 زیندانیی سیاسی كوری و زیندانیەكی سیاسی ئازەریی مەحكوم بە ئێعدام كە 8 رۆژ پێش ئێستا بە مەبەستی جێبەجێ كردنی حوكمەكەیان گواسترانەوە بۆ ژووری تاكەكەسی، نادیارە.

بابەتی هاوپۆل

٥٠ کادری دەرمانی سەقز تووشی کۆرۆنا بوونە

سەرەڕای بەڵێنی بەرپرسانی کۆماری ئیسلامی سەبارەت بە کۆنترۆڵی نەخۆشی کوشندەی کۆرۆنا، دۆخی شاری سەقز هێشتاکە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.