چوار شه‌ممه‌ 1 نیسان 2020
ماڵەوە / سیاسی / مەلا كرێكار دەستگیر كرایەوە

مەلا كرێكار دەستگیر كرایەوە

ئێوارەی دوێنێ پۆلیسی نۆروێژ هەڵدەكوتنە سەر ماڵی مەلا كرێكار و دەستگیری دەكەن.

ماڵپەڕی دووربینی نزیك لە مەلا كرێكار بڵاویكردەوە، كە دوێنێ پێنجشەممە 7ی رەشەممەی 1393ی هەتاویی، كاژێر 8:45 ی ئێوارە بەكاتی ئۆسلۆ، پۆلیس بە جلی مەدەنییەوە هەڵیكوتاوەتە سەر ماڵەكەی و بەپێی ماددەی 140لە یاسای تاوان دەستگیركراوە، كە تایبەتە بە هاندان بۆ تووندوتیژی.

ئەمڕۆ هەینی مەلا كرێكار دەبرێتە دادگا و بڕیار لە سەر چارەنووسی دەدرێ، كە ئایا زیندانی بكرێت یاخود ئازادبكرێت تاوەكو كاتی دادگاییكردنی.

لە گفتوگۆیەكی تایبەتدا لەگەڵ تەلەفزیۆنی NRK نۆروێژ، مەلا كرێكار خۆشحاڵی خۆی دەربڕی بە رووداوەكەی پاریس و هاوكات داوای لە لاوانی نۆروێژ كرد رووبكەنە سووریە.

دەستگیر كردنەكە دوای ئەو چاوپێكەوتنە هات كە مەلا كرێكار بەمشێوەیە باسی ئیسلامی كرد و وتی: “ئێمە بڕوامان بە ئایینی خۆمان هەیە، ژیانی ئێمە لە ئاست پاراستنی دینەكەمان هیچ بەهایەكی نییە. ئێمە بە خوێنی خۆمان ئاینەكەمان دەپارێزین”.

لە وەڵامی پرسیارێكدا، كە ئایا مەلا كرێكار چۆن پێناسەی ئەوانە دەكات هێرشیان كردە سەر گۆڤاری چارڵی ئێبدۆ لە پاریس، ئاماژەی بەوەكرد: “ئەوان شەرەفی خۆیان پاراست، پیرۆزییەكانی خۆیان پاراست، ئەوان بە مانای وشە، جیهادیی بوون”.

بابەتی هاوپۆل

شاکر بێهروزی بە ٥ ساڵ زیندان سزا درا

لقی ٢ی دادگای شۆڕشی شاری ورمێ بە سەرۆکایەتی قازی دادوەر شێخلو، لاوێکی خەڵکی مەرگەوەری بە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.