دوو شه‌ممه‌ 30 ئازار 2020
ماڵەوە / کوردستان / گواستنەوەی زیندانییەكی سیاسیی كورد بۆ زیندانی بەندەرعەباس

گواستنەوەی زیندانییەكی سیاسیی كورد بۆ زیندانی بەندەرعەباس

زیندانییەكی سیاسیی كورد لە بەندیخانەی مینابەوە بۆ بەندیخانەی بەندەرعەباس گواسترایەوە.

بەپێی ڕاپۆرتی كەمپینی بەرگری لە زیندانیانی سیاسی‌و مەدەنی، “محەمەد حوسێن ڕەزایی” (خۆسرۆ) كە زیاتر لە 3 ساڵە زیندانی كراوە، بەهۆی لێدان‌و ئەشكەنجەی زۆر شانی شكاوەو پێویستی بە نەشتەرگەری هەیە، بەڵام لەو ماوەیەدا بەردەوام داواكاریی چارەسەریی پزیشكی ناوبراو، لە لایەن كاربەدەستانی زیندانەوە پشتگوێ خراوە.

بەپێی ئەو ڕاپۆرتە بەهۆی قوڵبوونەوەی برین‌و نەخۆشییەكەی “محەمەد حوسێن ڕەزایی” بەرپرسانی زیندان ناوبراویان بە مەبەستی چارەسەر بۆ بەندیخانەی بەندەرعەباس گواستۆتەوە.

“محەمەد حوسێن ڕەزایی” كاتی دەستگیركرانی لەلایەن هێزەكانی سپای پاسدارانەوە تەقەی لێكراو بە توندی بریندار بوو، بەڵام نە لە گرتنگەی سپای پاسداران‌و نە لە زیندان چارەسەری پزیشكی بۆ نەكراو تەنانەت لەكاتی لێكۆڵینەوە لە گرتنگەی حیفازەتی ئیتلاعاتی سپای پاسداران بەهۆی هەڵواسین بە دەست بەسراوی شانەكانی شكان‌و بەو هۆیەش پێویستی بە نەشتەرگەریی بەپەلە هەیە.

جێگای وەبیرهێنانەوەیە، “محەمەد حسێن رەزایی (خوسرۆ)ساڵی 1390ی هەتاویی هاوڕێ لەگەڵ “فەخرەدین فەرەجی”، چەنگیز قەدەم خێری و ئەیوب ئەسەدی” لە لایەن هێزەكانی كۆماری ئیسلامی لە نزیك شاری سنە بە تۆمەتی ئەندامیەت لە “كۆمەڵە” دەستگیر كران.

محەمەد حسێن رەزایی (خوسرۆ) خەڵكی شاری دیواندەرە، فەخرە فەرەجی خەڵكی ئاوایی “لەنجاوا” سەر بە شاری مەریوان بە 25 ساڵ زیندان دوور خرانەوە بۆ زیندانی تەبەس، بە 30 ساڵ زیندان و دوورخرانەوە بۆ زیندانی میناب، چەنگیز قەدەم خێری خەڵكی شاری كامیاران بە 40 ساڵ زیندان و دوور خرانەوە بۆ زیندانی مەسجد سولەیمان و ئەیوب ئەسەدی خەڵكی شاری مەریوان بە 20 ساڵ زیندان دوورخرانەوە بۆ زیندانی كاشمەر حوكم دران.

بابەتی هاوپۆل

شاکر بێهروزی بە ٥ ساڵ زیندان سزا درا

لقی ٢ی دادگای شۆڕشی شاری ورمێ بە سەرۆکایەتی قازی دادوەر شێخلو، لاوێکی خەڵکی مەرگەوەری بە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.