چوار شه‌ممه‌ 20 كانونی دووه‌م 2021
ماڵەوە / جیهان / سویس بڕیاری قەدەغەبوونی شۆفێری كردنی عەرەبستانیەكانی دەركرد

سویس بڕیاری قەدەغەبوونی شۆفێری كردنی عەرەبستانیەكانی دەركرد

باڵیۆزی عەرەبستانی سعودی لە سویس ئاشكرای كرد، بەڕێوەبەرایەتیی هاتوچۆی سویس بڕیارێكی لە دژی هاووڵاتییانی عەرەبستان دەركردووە و بڕیاری داوە، ڕێگە بە شۆفێری كردنی عەرەبستانیەكان نەدات.

میدیاكانی عەرەبستان لە زاری باڵیۆزی وڵاتەكەیانەوە لە سویس بڵاویان كردەوە، بە پێی تازەترین بڕیاری بەڕێوەبەرایەتیی هاتوچۆی سویس، دەبێت سەرجەم ئەو كەسانەی سەردانی سویس دەكەن، بە تایبەتیش گەشتیاران، مۆڵەتی شۆفێرییان بۆ زمانی سویسی وەربگێڕن، ئەگینا ڕێگە بە شۆفێری كردنیان نادرێت.

باڵیۆزی عەرەبستان ئەوەشی ئاشكرا كردووە، كە بەڕێوەبەرایەتیی هاتوچۆی سویس لێكۆڵینەوەی تەواوی لە هۆكاری ڕووداوەكانی هاتوچۆ لە سویس كردووە و بۆی دەركردووە، هۆكاری زۆربەی ڕووداوەكان، ئەو ژنە عەرەبستانیانەن، كە مۆڵەتی شۆفێرییان ساختە كردووە، چونكە لە عەرەبستان ژنان مافی شۆفێرییان نییە و ژنانی عەرەبستانیش بۆ شۆفێری‌ كردن لە سویس، ناچارن مۆڵەتی شۆفێری ساختە بكەن.

بابەتی هاوپۆل

 سێ ھاوڵاتیی دیکە لە بۆکان دەستگیر کران

سێ هاووڵاتیی کورد بە ناوەکانی “قادر ڕەسووڵپوور”، “عەلی زولفی”و “محەممەد حاجی ڕەسووڵپوور”، خەڵکی شاری بۆکان، …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.