شه‌ممه‌ 4 كانونی یه‌كه‌م 2021
ماڵەوە / کوردستان / دوایین زانییارییەكان لە سەر 6 زیندانیی سیاسی مەحكوم بە ئێعدام

دوایین زانییارییەكان لە سەر 6 زیندانیی سیاسی مەحكوم بە ئێعدام

ئیدارەی ئیتلاعات و دادگای شارەكانی مەهاباد و سەردەشت، باس لەوە دەكەن، كە 3 كەس لە 6 زیندانیە سیاسیە مەحكوم بە ئێعدامەكە هێشتاكە زیندوون.

بە پێی ئەو هەواڵانەی كە بە “زاگرۆس پۆست” گەیشتووە، پاش سەردان و بەدواداچوونی بنەماڵەی “سیروان نژاوی و ایبراهیم عیساپوور” بۆ ئیدارەی ئیتلاعات و دادگای شارەكانی مەهاباد و سەردەشت، پێیان راگەیەندراوە كە هەتا ئێستا ئەم 2 زیندانیە سیاسیە ئێعدام نەكراون.

لە درێژەی هەواڵەكەدا هاتووە: پاش ئەوەیكە بنەماڵەی ئەو 2 زیندانیە سیاسیە بە بەردەوامیی سەردانی ئیدارەی ئیتلاعات و دادگای شارەكانی مەهاباد و سەردەشتیان كردووە، لە لایەن كاربەدەستانی ئەو ناوەندانەوە، پێیان راگەیەندراوە كە هەتا ئێستا ناوبراو ئێعدام نەكراون و ئەگەر ئێعدامیان بكەین لە هیچ كەسێك باكمان نیە كە هەواڵەكەی بڵاو كەینەوە.

لە هەواڵێكی دیكەدا، سەرچاوەیەكی ئاگادار بە زاگرۆس پۆستی راگەیاندووە: كە هەتا ئێستا “یونس ئاقاییان” ئێعدام نەكراوە و كاتی ئێعدامی ناوبراو وەدواخراوە.

هەر لەم پەیوەندەدا ژمارەیەك لە زیندانیانی سیاسی راگیراو لە زیندانی ناوەندیی شاری مەهاباد، ئەگەری لە سێدارەدان و بێ سەروشوێن بوونی چارەنووسی 6 چالاكی سیاسی كوردی مەحكوم بە ئێعدامیان بە توندی مەحكوم كردووە و خوازیاری روونكردنەوە لەوی لایەنە پەیوەندیدارەكان لەو بارەوە بوون، تا نیگەرانیەكان و دڵەڕاوكێی خەڵك و بنەماڵەی ئەو چالاكانە لەو پەیوەندەدا كۆتایی پێ بێت.

جێگای وەبیرهێنانەوەیە، 6 كەس لە چالاكانی سیاسی كورد بە ناوەكانی : “عەلی ئەفشاری، حەبیب (رزگار) ئەفشاری، سامان نەسیم، سیروان نژاوی، ئیبراعیم عیسا پوور و یونس ئاقاییان” لە پێڕۆانی دینی یارسان، رێكەوتی چوارشەممە 29ی مانگی رێبەندان بە مەبەستی جێبەجێ كردنی حوكمی ئێعدامەكەیان رەوانەی ژووری تاكەكەسی كران و هەتا ئێستا چارەنووسیان نادیارە، بەڵام ئیدارەی ئیتلاعات بنەماڵەی “عەلی و حەبیب ئەفشاری و هەروەها سامان نەسیم”ی ئاگادار كردووەتەوە كە بۆ وەرگرتنەوەی تەرمی رۆڵەكانیان سەردانی ناوەندە ئەمنیەتیی و قەزاییەكان بكەن و تا كاتی ئامادەكرانی ئەم هەواڵە، هیچ زانییارییەكی زیاتر لەو پەیوەندەدا بڵاو نەبووەتەوە.

بابەتی هاوپۆل

بریندار بوونی کۆڵبەرێک لە سنووری «دۆڵەبی»، لە لایان ھێزەکانی رژیمی ئیرانەوە

بریندار بوونی کۆڵبەرێک لە سنووری «دۆڵەبی»، لە لایان ھێزەکانی رژیمی ئیرانەوە بە پێی ھەواڵەكان، رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.