هه‌ینی 19 ته‌مموز 2024

خۆپیشاندانی كوردانی رۆژهەڵات لە بەردەم پارلمانی كوردستان+وێنه

بە مەبەستی ناڕەزایی بەرامبەر بە سەپاندن و جێبەجێ كردنی سزایی سەدە ناوەڕاستیی ئێعدام، لە شاری هەوڵێر خۆپیشاندانێكی ناڕەزایی دەربڕین سازدرا.

بە پێی هەواڵی “زاگرۆس پۆست”، ژمارەیەكی بەرچاو لە كوردانی رۆژهەڵاتی كوردستان و حیزب و رێكخراوە سیاسی و مەدەنیەكان، رۆژی شەممە 2ی مانگی رەشەممە بە ئامادەبوون لە بەردەم پارلمانی باشووری كوردستان، ناڕەزایی خۆیان لە بەرامبەر لەسێدارەدانی 6 زیندانیی سیاسی لە زیندانیی ورمێ دەربڕی و خوازیاریی هاوسۆزیی زیاتری كوردانی باشووری كوردستان لەگەڵ هاونیشتمانیانی رۆژهەڵات بوون.

لەو خۆپیشاندانەدا كە یەكێك لە ئەندامانی لیژنەی مافی مرۆڤی پارلمانی كوردستانیش ئامادە بوو و چەند وتەیەكی پێشكەشی بەشداربووان كرد و دواتر چەندین دروشمی وەكوو: “ئێران دژی كوردانە داعش هەمان ئێرانە، كۆماری سێدارە بڕۆ دەرچۆ لەمشارە، داعش ایران، داعش تیرۆریست” وترایەوە.

پاشان خۆپیشاندەران بۆ ماوەی چەند خولەكێك شەقامی بەردەم پارلمانیان داخست و بەو بۆنەوە ژمارەیەكی زۆر ئۆتۆمبیل لە شوێنی كۆبوونەوەكە راوەستان و هەندێكیان هاوسۆزیی و برایەتی خۆیان لەگەڵ كوردستانی رۆژهەڵات دەربڕی.

شایانی باسە، لەو خۆپیشاندانەدا جگە لە رێكخراوە مەدەنیەكان وەكوو لایەنی حیزبی “كۆمەڵەی زەحمەتكێشنی كوردستان، چەند ئەندامێكی حیزبی دیموكرات و پژاك” بەشدار بوون.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.