پێنج شه‌ممه‌ 5 ئاب 2021
ماڵەوە / ئێران / ئیتلاعاتی ئێران ئیدعای دەستگیر كردنی گرووپێكی تیرۆریستی دەكات

ئیتلاعاتی ئێران ئیدعای دەستگیر كردنی گرووپێكی تیرۆریستی دەكات

دوانیوەڕۆی رۆژی شەممە 25ی مانگی رێبەندان وەزیری ئیتلاعاتی كۆماری ئیسلامی لە كۆنفرانسێكی رۆژنامەوانیدا ئیدعای ئەوەی كرد، كە هێزەكانی ئەوان گرووپێكی تیرۆریستییان لە ناوچەی سیستان و بەلوچستان دەستیگر كردووە.

بە پێی وتەكانی “مەحمود عەلەوی”، سەربازە گومناوەكانی ئیمام زەمان بە یارمەتی خەڵكی ناوچەی سیستان و بەلوچستان توانیویانە لە رێكەوتی 16 و 22ی رێبەندان لە سنوورەكانی باكووری رۆژهەڵاتی ئێران كە دەكاتە سنووری سیستان و بەلوچستان، گرووپێكی تیرۆریستییان دەستگیر كردووە و بە بۆنەشەوە وێنەی هەندێ چەك و تەقەمەنییان بڵاو كردووەتەوە.

بە وتەی ئەو كاربەدەستەی كۆماری ئیسلامی، لەو عەمەلیاتەدا بڕێكی زۆر چەكی گەرم و ساردی لە جۆری چەقۆ، كۆڵت، كڵاشینكۆف، نارنجۆك، جلیقەی خۆتەقاندنەوە و بە گشتی 350 كیلۆ چەك و تەقەمەنی دەستی بەسەردا گیراوە.

شایانی باسە، ساڵانێكە لە سنوورەكانی سیستان و بەلوچستان لەگەڵ وڵاتانی پاكستان و ئەفغانستان، لە نێوان گرووپە بەلوچ و هێزەكانی كۆماری ئیسلامی شەڕ و تێكهەڵچوون لە ئارادایە و لە ماوەی یەك ساڵی رابردووشدا تا ئێستا بە دەیان كەس لە هێزە حكومەتیەكان كوژراو و بریندار بوون و بە دەیان چالاكانی بەلوچ لە دەستگیر و لە زیندان لەسێدارە دراون.

بابەتی هاوپۆل

سومەیە کارگەر و چوار کەسی دیکە لە ئیلام بە ٣٨ ساڵ زیندان مەحکووم کران

سومەیە کارگەر، چالاکی مەدەنیی خەڵکی ئیلام، لەگەڵ چوار کەسی دیکە بە ناوەکانی “ناهید تەقوایی، بەهارە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.