چوار شه‌ممه‌ 1 نیسان 2020
ماڵەوە / کوردستان / گیانلەدەستدان و بریندار بوونی 2 كاسبكاری خەڵكی شاری سەقز

گیانلەدەستدان و بریندار بوونی 2 كاسبكاری خەڵكی شاری سەقز

بە هۆی رووداوی هاتوچۆ كاسبكارێكی خەڵكی شاری سەقز گیانی لەدەستداو كاسبكارێكی دیكەش بە سەختی بریندار بووە.

هەواڵی گەیشتوو بە “زاگرۆس پۆست”، باس لەوە دەكات، رۆژی چوارشەممە 22ی مانگی رێبەندان، لە شاری “حەڵەب” نزیك زەنجان 2 ئۆتۆمبیلی كاسبكارانی خەڵكی شاری سەقز كە سەرقاڵی گواستنەوەی كەلوپەل لە كوردستانەوە بۆ شارەكانی دیكەی ئێران بوون، تووشی رووداوی هاتوچۆ بوون و بەو بۆنەوە یەكێك لەو كاسبكارانە گیانی لەدەستداوە و یەكێكی دیكەشان بە سەختی بریندار بووە.

پەیامنێرمان لە شاری سەقز دەڵێ: ناوی ئەو كاسبكارەی كە گیانی لەدەستداوە “مێهران بەهرامی” و دانیشتووی گەڕەكی “شەریف ئاوا”ی سەقز بووە و كەسە بریندارەكەش ناوی “بورهان”ە و جۆری ئۆتۆمبیلەكانیشیان “سەمەند و پژۆ” بووە.

لە درێژەشدا دەڵێ: بورهان كە لەو رووداوەدا بریندار بووە، خوێندنی لە ئاستی كارناسیی تەواو كردووە و بە هۆی بێكارییەوە رووی لە كاری پڕمەترسیی قاچاخی كەلوپەل كردووە.

شایانی باسە، بە هۆی بێكاریی و كێشەی ماڵییەوە زۆرێك لە هاوڵاتییانی كورد روویان لە كاسبكاری بە شێوەی قاچاخ كردووە و كەمتر رۆژێك هەیە كە لە لایەن هێزە چەكدارەكانی كۆماری ئیسلامیەوە لە سەر سنوورەكان و لە نێو جادەكان هێرشیان نەكرێتە سەر و بەرەوڕووی خەساری گیانی و ماڵی نەبنەوە یان بە هۆی ئەوەیكە نەكەونە داوی ئەو هێزانەوە، بە خێراییەكی زۆر لە ئۆتۆمبیلەكانیان دەخوڕن و زۆر جار بەرەوڕووی رووداوی دڵتەزێنی هاتوچۆ دەبنەوە.

بابەتی هاوپۆل

شاکر بێهروزی بە ٥ ساڵ زیندان سزا درا

لقی ٢ی دادگای شۆڕشی شاری ورمێ بە سەرۆکایەتی قازی دادوەر شێخلو، لاوێکی خەڵکی مەرگەوەری بە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.